ઉપલેટાના ગધેથડ ગામે ચાલી રહેલી સપ્તાહમાં ગયેલા પરિવારના ઘરમાં તા. 16/11/2025 ના રાત્રીના 01:00 થી 03:00 દરમીયાન કોઈ પણ વખતે પરિવાર ઘરે હાજર ના હોઈ ત્યારે તેમના રહેણાક મકાનમાં આગળ તાળુ મારેલ હોઈ તે રૂમમા પાછળની બારીની ગ્રીલ તોડી રૂમમાં કબાટમાં તીજોરીમાં રાખેલ સોના ચાંદીના દાગીના કી.રૂ, 2,60,000/-તથા રોકડ રૂ,25,000/- મળી કુલ કી. રૂ.2,85,000/ના મુદ્દામાલની કોઈ અજાણ્યો ઇસમ ચોરી ગયો હોવાની બાબત સામે આવી હતી ત્યારે આ મામલે ભાયાવદર પોલીસ સ્ટેશનમાં ચોરી અંગેની જયદીપ પાન વાળી ગલીમાં રહેતા અતુલભાઈ ઉગાભાઈ વાસકીયાએ ફરિયાદ નોંધાવી છે.
રાત્રીના આશરે બે વાગ્યે તેમની પત્ની હંસાબેન ભજન સાંભળી ઘરે આવેલ અને તેમને ફોન કરેલ અને જણાવેલ કે, ઘરે જે રૂમમા તાળુ મારેલ તે રૂમનુ તાળુ ખોલેલ છે પરંતુ રૂમનો દરવાજો અંદરથી ખુલતો નથી તેવું જણાવતા ફરિયાદી પોતાના ઘરે આવેલ અને રૂમનો દરવાજો ખોલતા અંદરથી કોઇએ બંધ કરેલ હોવાનુ જાણવા મળેલ હતું. આ બાબર્તે ફરિયાદીએ પ્રથમ આજુ બાજુમા તપાસ કરેલ હતી અને ત્યારે તેમના ગામમા ભાગવત સપ્તાહનો કાર્યક્રમ હોય જેથી હાલે પોલીસ સ્ટેશન ખાતે ફરીયાદ જાહેર કરેલ છે ત્યારે આ બાબતમાં ભાયાવદર પોલીસ દ્વારા ભારતીય ન્યાય સંહીતા 2023 ની કલમ 305(એ), 331(4) મુજબ ગધેથડ ગામના ફરિયાદીની ચોરી અંગેની પોલીસ ફરિયાદ દાખલ કરી વધુ તપાસ હાથ ઘરી છે. જેમાં આ મામલાની તપાસ ભાયાવદર પોલીસ સ્ટેશનના પોલીસ સબ ઈન્સ્પેક્ટર ડી.એચ.રાખોલીયા દ્વારા ચલાવવામાં આવી રહી હોવાની માહિતી પ્રાપ્ત થઈ રહી છે.
