રાજકોટમાં લોકોની આવક 70% વધી: દર મહિને 525 કરોડનો ભરે છે ઇન્કમટેક્સ,જાણો શા માટે વધી રહ્યો છે આવકનો સ્કેલ?
ગત વર્ષ કરતાં આ વર્ષે રાજકોટમાં લોકોની “કમાણી” 70 ટકા વધી છે,ચાલુ નાણાકીય વર્ષમાં દર મહિને સરેરાશ 525 કરોડનો ટેક્સ લોકોએ ભર્યો છે,જેને કારણે માત્ર 9 મહિનામાં રાજકોટ રિજીયનમાં કરદાતાઓએ 1839 કરોડનો ટેક્સ ચૂકવ્યો છે. કોરોનાકાળ પછી પ્રથમવાર રાજકોટ-સૌરાષ્ટ્ર અને કચ્છનું અર્થતંત્ર અપ ગયું હોવાનો ટેક્સ અને અર્થતંત્રનાં તજજ્ઞો માની રહ્યા છે.
રાજકોટ ઇન્કમટેક્સ વિભાગને સીબીડીટી દ્વારા વર્ષ 2025-2026 માટે 4886 કરોડનો ટાર્ગેટ આપવમાં આવ્યો હતો.જેમાં 9 મહિનામાં ગ્રોસ કલેક્શન 3669.99 કરોડ અને જેમાંથી 1830 કરોડનું રિફંડ ચુકવવામાં આવ્યું હતું.આથી ચાલુ વર્ષે નેટ કલેકશન 1830 કરોડનો ટેક્સ આવકવેરાની તિજોરીમાં આવ્યો છે.હજુ ડીસેમ્બર અને માર્ચ એમ બે વખતનાં એડવાન્સ ટેક્સ ચૂકવાશે જેને લીધે રાજકોટ ઈનકમટેક્સ 4866 કરોડનાં ટેક્સ ટાર્ગેટ સુધી પહોંચી તેવી પ્રબળ શક્યતાઓ છે.
ચાલુ નાણાકીય વર્ષ 2024-25માં રાજકોટ અને સૌરાષ્ટ્ર-કચ્છના અર્થતંત્રમાં નોંધપાત્ર વૃદ્ધિ જોવા મળી રહી છે. ગત વર્ષની સરખામણીએ આ વર્ષે લોકોની કમાણીમાં સરેરાશ 70 ટકા જેટલો વધારો નોંધાયો છે, જેના સીધા પ્રભાવ રૂપે ટેક્સ કલેકશનમાં પણ મોટો ઉછાળો જોવા મળ્યો છે તેમ જાણીતાં સી.એ.રાજીવ દોશીએ જણાવ્યું હતું.
દર મહિને સરેરાશ ₹525 કરોડનો ટેક્સ ભરાયો
રાજકોટ રિજીયનમાં કરદાતાઓએ છેલ્લા નવ મહિનામાં કુલ ₹1839 કરોડનો ટેક્સ સરકારે જમા કર્યો છે. આનો અર્થ છે કે દર મહિને સરેરાશ ₹525 કરોડનો આવકવેરો ભરાયો છે, જે કોરોનાકાળ પછી પ્રથમવાર જોવા મળેલી ગતિ છે.
ટેક્સ અને અર્થતંત્રના નિષ્ણાતોના જણાવ્યા મુજબ ઔદ્યોગિક ક્ષેત્ર, સર્વિસ સેક્ટર, SMEs અને વેપાર-ધંધામાં ઉછાળો આવવાથી લોકોની આવક વધી છે, જેના કારણે ટેક્સ ચૂકવણીમાં પણ વધારો જોવા મળ્યો છે.
4886 કરોડના ટાર્ગેટ સામે 3669.99 કરોડનું ગ્રોસ કલેક્શન
સીબીડીટી (CBDT) દ્વારા રાજકોટ ઇનકમટેક્સ વિભાગને વર્ષ 2025-26 માટે કુલ ₹4886 કરોડનું કલેકશન ટાર્ગેટ આપ્યો હતો.જેમાંથી ડિસેમ્બર સુધીમાં વિભાગે ₹3669.99 કરોડનું ગ્રોસ કલેક્શન હાંસલ કર્યું છે.તેમાંથી ₹1830 કરોડનું રિફંડ કરદાતાઓને ચુકવવામાં આવ્યું છે. પરિણામે હાલ સુધીનું નેટ કલેકશન ₹1830 કરોડ રહ્યું છે, જે ટાર્ગેટની દિશામાં મહત્વપૂર્ણ પગલું ગણાય છે.
શા માટે વધી રહ્યો છે આવકનો સ્કેલ..?
- MSME અને મેન્યુફેક્ચરિંગ યુનિટ્સમાં કોરોના પછીનું ઝડપી પુનરુત્થાન
- રિયલ એસ્ટેટમાં વધતી મૂવમેન્ટ
- IT, ફાઈનાન્સ, સર્વિસ અને વેપાર ક્ષેત્રોમાં વધતી આવક
- નોકરીયાત વર્ગમાં પગારમાં સુધારો
- સ્ટાર્ટઅપ્સ અને નવા ઉદ્યોગોની એન્ટ્રી
- આ તમામ પરિબળો મળીને રાજકોટ-સૌરાષ્ટનું અર્થતંત્ર મજબૂત બનાવે છે.
ઉદ્યોગોનું ટર્ન ઓવર વધવાને કારણે ટેકસ પેયર્સની સંખ્યા વધી રહી છે.
રાજકોટ અને સૌરાષ્ટ્રના લોકો પ્રથમ પસંદગી બિઝનેસ માટે જ ઉતારે છે.હાલ માર્કેટમાં ગ્રોથ પણ નોંધાઈ રહ્યો છે.ડિમાન્ડ અને ખરીદી વધારે હોવાને કારણે કંપની,વેપાર ઉદ્યોગમાં ટર્ન ઓવર વધતા ટેકસ પેયર્સની સંખ્યા અને તેના દ્રારા ચુકવવામાં આવતા ટેકસની રકમમાં વધારો થાય છે. સૌરાષ્ટ્રમાં જેટલી પણ ઔદ્યોગિક ક્ષેત્રની તમામ પ્રોડકટની ડિમાન્ડ દેશ-વિદેશમાં છે.
કંપનીઓ સાથે વ્યક્તિગત કરદાતાઓ પણ “કમાઉ” બન્યાં
ચાલુ વર્ષે કંપનીઓ સાથે વ્યક્તિગત કરદાતાઓ ટેક્સ ચુકવવામાં સાથે રહ્યા છે.9 મહિનામાં 1736 કરોડ કંપનીઓએ એડવાન્સ ટેક્સ ભર્યો છે તો વ્યક્તિ કરદાતાઓએ 1744 કરોડ ટેક્સ ચૂકવ્યો છે.જ્યારે રેગ્યુલેર એસસમેન્ટમાં 62.44 કરોડ ટેક્સ ભરાયો છે.ગત વર્ષે 1692.63 કરોડ એડવાન્સ અને 1624 કરોડ વ્યક્તિગત કરદાતાઓએ ચૂકવ્યો હતો.
