SIRમાં 42 ટકા ડિજિટાઇઝેશન સાથે જસદણ રાજ્યમાં અવ્વલ : સ્પેશિયલ ઈન્સેન્ટિવ રીવીઝન કામગીરીમાં બનાસકાંઠા પ્રથમ, રાજકોટ બીજા ક્રમે
રાજકોટ સહિત રાજ્યભરમાં સ્પેશિયલ ઈન્સેન્ટિવ રીવીઝન એટલે કે SIRની કામગીરી જોરશોરથી ચાલી રહી છે ત્યારે પ્રથમ તબક્કામાં તા.4 નવેમ્બરથી 2256 બીએલઓ દ્વારા ઘેર ઘેર એન્યુમરેશન ફોર્મ વિતરણ બાદ હાલમાં ફોર્મ પરત લેવાની કામગીરીમાં સમગ્ર રાજ્યમાં બનાસકાંઠા જિલ્લો પ્રથમ ક્રમે અને રાજકોટ જિલ્લો બીજા ક્રમે હોવાના આંકડા સામે આવ્યા છે. રાજકોટ જિલ્લાની આઠ વિધાનસભા બેઠકમાં 42 ટકા ગણતરી ફોર્મ પરત મેળવી ડિજિટાઇઝેશનમાં જસદણ વિધાનસભા બેઠક મોખરે રહી છે.
રાજકોટ જિલ્લા ચૂંટણીતંત્રના જણાવ્યા મુજબ ભારતના ચૂંટણી પંચના આદેશ મુજબ જિલ્લામાં 4 નવેમ્બરથી SIR કામગીરી અંતર્ગત 2256 બીએલઓ દ્વારા જિલ્લાની આઠ વિધાનસભામાં નોંધાયેલ 23.91 લાખ મતદારોને ઘરે -ઘેર સમ્પર્ક કરી એન્યુમરેશન ફોર્મ આપવામાં આવ્યા બાદ સરળ ગણતરી ફોર્મ ભરાઈને પરત આવી રહ્યા છે.
આ પણ વાંચો :ગીરતારામાં ઉતર્યા બોલીવૂડના સિતારા! રાજકોટ એરપોર્ટથી કંગના પહોંચી સાસણ: કિંગ ખાન,દીપિકા-રણવીર અને ઘોની રવાના
સાથે જ ક્લસ્ટર ઓફિસ ખાતે પરત આવતા ગણતરી ફોર્મની ડિજિટાઇઝેશનની કામગીરી પણ શરૂ કરી દેવામાં આવી છે. રાજકોટ જિલ્લાની આઠેય વિધાનસભા બેઠકમાં હાલમાં સૌથી સારી કામગીરી જસદણ વિધાનસભા બેઠકમાં 42 ટકા કામગીરી થઇ છે. જે સમગ્ર રાજ્યમાં અવ્વલ હોવાનું સામે આવ્યું છે. રાજકોટ જિલ્લામાં ઓવરઓલ 17.76 ટકા એટલે કે, 18 ટકા ડિજિટાઇઝેશન પૂર્ણ થયું છે.
