સુરતના શખ્સે રાજકોટના વેપારીને 65 લાખનો ધૂંબો માર્યો : રાખડી ખરીદી પૈસા નહીં ચૂકવતાં 2 વર્ષે નોંધાવી ફરિયાદ!

રાજકોટમાં છેતરપિંડીના કિસ્સાઓ વારંવાર બનતા રહે છે અને તેની પોલીસ ફરિયાદ પણ નોંધાતી રહે છે પરંતુ શહેરના એક વેપારીને સુરતના વેપારીએ 65 લાખ રૂપિયાની રાખડી ખરીદ કર્યા બાદ પૈસા પરત નહીં કરતા બે વર્ષ સુધી રાહ જોયા બાદ કશું જ નહીં મળતા આખરે પોલીસ ફરિયાદ નોંધાવી હતી.

આ અંગે યુનિવર્સિટી રોડ પર ઉમા સદનની બાજુમાં રહેતા અને પેડક રોડ પર જી.બી. ડાયમંડ કોમ્પલેક્સમાં અજંતા રાખડી નામની દુકાન ચલાવતા પ્રવીણભાઈ કાનજીભાઈ ઘેટીયાએ નોંધાવેલી ફરિયાદમાં આરોપી તરીકે સુરતના યોગેશકુમાર પ્રવીણચંદ્ર ગઢિયાનું નામ આપ્યું હતું.

આ પણ વાંચો : રાજકોટમાં સરકારી જમીન ઉપર ગુલાબની ખેતી! રેલનગરમાં પૂર્વ મામલતદારે રૂ.24 કરોડની જમીન ખુલ્લી કરાવી

ફરિયાદમાં જણાવ્યું કે તેઓ મુળ સાવરકુંડલાના વતની અને હાલ સુરતમાં રહેતા મિત્ર કૌશિક પોપટભાઈ સાદરાણીને નિયમિત રાખડી મોકલતા હોય તેમના થકી જ યોગેશ ગઢિયાનો સંપર્ક થયો હતો.

આ પણ વાંચો : રાજકોટના લાપાસરી ગામે યુવતીની છેડતી કરી 2 શખસોએ માર માર્યો : યુવતી સારવાર હેઠળ,પોલીસે વધુ તપાસ હાથ ધરી

આ પછી 2023માં યોગેશ ગઢિયા રાજકોટ આવ્યો હતો અને જુદા-જુદા પ્રકારની રાખડીઓ ખરીદી કરી ગયો હતો. આ તમામ ચૂકવણું તેણે ફટાફટ કરી દીધા બાદ તા.08-07-2023થી લઈ તા.17-08-2023 દરમિયાન 12 કટકે તેણે 65,58,972 રૂપિયાની રાખડીની ખરીદી કરી હતી. આ પૈસાની ઉઘરાણી કરતા તેણે તરેહ તરેહના બહાના કાઢ્યા હતા. જેથી ફરિયાદીએ સુરત જઈને તપાસ કરતા યોગેશ તેની દુકાન ઉપર પણ મળી રહ્યો ન્હોતો અને મોબાઈલ પણ બંધ કરી દેતા આખરે તેના વિરુદ્ધ પોલીસ ફરિયાદ નોંધાવી હતી.