જો ફલાઇટ ફ્રિક્વન્સી વધે તો રાજકોટથી એરકાર્ગોનું ‘ગોલ્ડન કનેક્શન’: ડેઇલી 12 ટન જવેલરી મોકલાય છે હવાઈ માર્ગે

ત્રણ વર્ષની માંગણી બાદ રાજકોટ એરપોર્ટ પરથી કાર્ગોની સુવિધા શરૂ થતાં એરઇન્ડિયા અને ઈન્ડિગો બંને એરલાઇન્સ દ્વારા એરકાર્ગો સેવાનો વિધિવત પ્રારંભ થઇ ગયો છે.આ સુવિધાથી રાજકોટનાં સ્થાનિક વેપારને નવી દિશા મળશે,જો કે હજુ રાજકોટથી ફલાઇટ ફ્રિકવન્સી વધે અને મુખ્યત્વે સવારની ફલાઈટ જેમાં મુંબઈ અને દિલ્હી માટેની શરૂ થાય તો રાજકોટનાં જવેલરી બિઝનેસ માટે રાજકોટ માટે ” ગોલ્ડન રૂટ” શરૂ થઈ શકે તેમ જવેલર્સએ આશા વ્યક્ત કરી હતી.

રાજકોટ ગોલ્ડ,સિલ્વર કે ઇમિટેશન જ્વેલરીના ઉત્પાદનમાં જ નહીં પરંતુ તેના હવાઈ કાર્ગો કનેક્શન માટે પણ ઝડપથી ઓળખ બનાવી રહ્યું છે. હાલમાં શહેરમાંથી દરરોજ અંદાજે 10 થી 12 ટન સોના-ચાંદી અને ઇમિટેશન જવેલરી એરકાર્ગો મારફતે મુંબઈ જેવા મોટા બજારોમાં મોકલાય છે.

આ પણ વાંચો : રાજકોટમાં નેશનલ સ્પાર્ટ્સ ડે ઉજવણીમાં જાણે ઘરની ધોરાજી ચાલી, ખરો મર્મ ભૂલાયો? જાણો શું છે મામલો

આ સપ્તાહથી રાજકોટથી આઉટગોઇંગ એરકાર્ગોની ઉડાન શરૂ થતાં પ્રથમ ચરણમાં જ જવેલરીનાં કાર્ગોનાં બુકીંગ સૌથી વધુ થઈ રહ્યા છે.પ્રથમ દિવસે 600 કિલો સિલ્વર અને બીજા જ દિવસે 1000 કિલો સિલ્વર જવેલરી કાર્ગો દ્વારા મોકલાય હતી.કાર્ગોનાં વેન્ડરનાં જણાવ્યા મુજબ હાલમાં રાજકોટથી ડેઇલી 12 ટન માત્ર સોના અને ચાંદીની જવેલરી રાજકોટથી બાય રોડ અને ત્યારબાદ અમદાવાદથી એરકાર્ગોમાં મોકલવામાં આવે છે.

રિયા એક્સપ્રેસનાં હેડ આશુતોષ પાંડેનાં જણાવ્યા પ્રમાણે,રાજકોટથી મુંબઈ અને દિલ્હી કાર્ગો મોકલાય છે ત્યાંથી અલગ અલગ શહેર માટે વિતરણ થાય છે,કારગોની શરૂઆત થઈ ગઈ છે પણ હાલમાં સવારની ફલાઇટ ન હોવાથી 24 કલાક પાર્સલ લોડ કરીને ટર્મિનલમાં પડ્યા રહે છે.1 લી સપ્ટે.થી મુંબઈ માટેની એરઇન્ડિયાની ફલાઇટ ઉડાન ભરશે.આ ફલાઇટ શરૂ થયા પહેલાં જ કાર્ગોનું બુકીંગ વધી ગયું છે.અત્યાર સુધી રાજકોટથી હજારો કિલોનાં કાર્ગો અમદાવાદથી લોડ થતાં હતાં.જો ફલાઈટની સંખ્યા વધશે તો રાજકોટનાં વેપારીઓ માટે આ ગોલ્ડન રૂટ સાબિત થશે.

આ પણ વાંચો : દર મહિને 50,000 હપ્તો…રાજકોટમાં પત્રકાર બાદ હવે ‘તોડ’ કરવા જતાં તંત્રી પકડાયો!

જવેલરી બાય રોડ જાય ત્યારે જોખમ પણ વધી જાય,ફલાઇટ કનેક્ટિવિટી વધે તો ફાયદો: ભાયાભાઈ સાહોલિયા

રાજકોટથી એરકાર્ગોની શરૂઆત થતાં મોટી રાહત ઝવેરીઓને થઈ છે.સોના-ચાંદીનાં કિંમતી દાગીનાઓ બાય રોડ કે આંગડિયા મારફત મોકલવા પડે છે જેમાં અનેક વખત લૂંટ કે ચોરીની ઘટના બને છે.આ બાબતે રાજકોટ ગોલ્ડ ડિલર્સ એસો.નાં પ્રમુખ ભાયાભાઈ સાહોલીયાએ જણાવ્યું હતું કે,અહીંથી અન્ય શહેરો માટે ફલાઇટની કનકેટીવીટી વધે તો ઝવેરીઓ અને દાગીનાનું મેન્યુફેક્ચરિંગ કરતા ઉત્પાદકોને પણ મોટો ફાયદો થાય એમ છે. બાય રોડ અમદાવાદ સુધી કાર્ગો મોકલવા પડતા હોય છે ત્યારે લૂંટ થયાં બાદ અનેક વખત ઝવેરીઓ વીમો પણ નથી મળતો,હવે રાજકોટથી એરકાર્ગો શરૂ થતાં જવેલર્સની ચિંતા ઘટશે.

ફલાઇટ વધે તો કલાયન્ટને સમયસર ડિલિવરી મળે:મનીષ વસોયા

રાજકોટ ઇમિટેશન જવેલરી એસો.નાં પ્રમુખ મનીષ વસોયા કહે છે કે રાજકોટથી હવે સીધો માલ મુંબઈ અને દિલ્હી જશે જેના લીધે વેપારીઓને સમયસર ડિલિવરી થઈ શકે.1 સપ્ટેમ્બરથી શરૂ થનારી મુંબઈ ફ્લાઇટ સર્વિસને વેપારીઓ માટે નવા અવસરનું દ્વાર માનવામાં આવી રહ્યું છે.

સવારની ફલાઇટ શરૂ થાય તો જવેલરીનાં વેપારમાં ચમક આવશે: જીગ્નેશ શાહ

જો આગળ ચાલીને સવારની દિલ્હી ફ્લાઇટ સાથે કુલ ફ્લાઇટ ફ્રિક્વન્સી વધે, તો રાજકોટના વેપારમાં તેજી આવશે.ઇમિટેશન એસો.નાં જીગ્નેશ શાહએ જણાવ્યું કે હાલમાં કાર્ગો મોકલવા માટે અમને મર્યાદિત વિકલ્પો છે. ઘણીવાર માલ મોકલવામાં વિલંબ થતો હોવાથી ક્લાયન્ટને સમયસર ડિલિવરી કરવી મુશ્કેલ બને છે. જો વધુ ફ્લાઇટ ફ્રિક્વન્સી મળે તો નિકાસ પ્રક્રિયા સરળ બનશે અને વેપારમાં ગતિ આવશે.

રાજકોટની ઇમિટેશન જવેલરી માટે ગલ્ફ દેશ વિશાળ માર્કેટ,દુબઈની ફલાઇટ જલ્દી શરૂ કરો: અંકિત શેઠ

રાજકોટ થી ઇમિટેશન જ્વેલરી સૌથી વધારે ગલ્ફ દેશોમાં જાય છે.જો રાજકોટથી દુબઇ માટેની એક ફલાઈટ શરૂ થાય તો સીધી અસર ઇમિટેશન વેપારને થશે.અટયરે કાર્ગો અમારે અમદાવાદ કે મુંબઈથી કરવા પડે છે.તેમ ઇમિટેશન વેપારી અંકિત શેઠએ કહ્યું હતું.હીરાસર ઈન્ટરનેશનલ એરપોર્ટ બની ગયું છે જો એક દુબઇ માટે ફલાઈટથી પ્રવાસીઓ સાથે વેપારીઓને પણ સીધો ફાયદો થશે.જો દિલ્હી સહિત અન્ય મેટ્રો શહેરો સાથે સીધી ફ્લાઇટ મળશે તો અમને આંતરરાષ્ટ્રીય કસ્ટમર્સ સુધી પહોંચવું સરળ બનશે. આ રાજકોટ માટે ખરેખર ‘ગોલ્ડન રૂટ’ સાબિત થશે.