ગુજરાત ભાજપનાં પ્રમુખનું નામ નક્કી! ઘોષણા હમણાં નહીં, જાણો ક્યારે થશે નવા પ્રમુખોના નામની જાહેરાત
ભાજપના રાષ્ટ્રીય પ્રમુખની વારંવાર ચુંટણી ટાળવામાં આવી રહી છે. આ ઉપરાંત ૬ રાજ્યોમાં પ્રદેશ પ્રમુખોના નામ પણ નક્કી કરવાના છે. જેમાં યુપી અને ગુજરાતનાં નામ પણ સામેલ છે. જો કે સૂત્રોએ એવી માહિતી આપી છે કે ભાજપની ટોચની નેતાગીરીએ યુપી અને ગુજરાત સહિત ૩ રાજ્યોના પ્રદેશ પ્રમુખોના નામ પર મંજૂરીની મહોર મારી દીધી છે પણ એમના નામ હમણાં જાહેર નહી કરવાનો નિર્ણય લીધો છે.
પાર્ટી વર્તુળો તરફથી એવા સંકેત પણ મળ્યા છે કે આ બધા નવા પ્રમુખોના નામની જાહેરાત રાષ્ટ્રીય પ્રમુખની ચુંટણી વખતે જ કરવાની રણનીતિ બનાવાઈ છે. યુપી, ગુજરાત અને કર્ણાટક માટે નામ નક્કી થઈ ગયા છે તેમ કહેવાય છે. આ અહેવાલ બાદ અટકળોની બજાર ફરી ગરમ બની ગઈ છે.
આ પણ વાંચો : ગ્રાહક ફોરમનો આદેશ સિવિલ કોર્ટના ચુકાદાની જેમ લાગુ થશે : સર્વોચ્ચ અદાલતનો મહત્વનો ચુકાદો, કરોડો ગ્રાહકોને લાભ
એવા અહેવાલ પણ સામે આવ્યા છે કે ભાજપની સંગઠન ચુંટણીમાં મોટા ભાગના રાજ્યોમાં પ્રમુખો ચૂટવાનું કામ સંપન્ન થઈ ગયું છે. જો કે હજુ પણ અડધો ડઝન રાજ્યોમાં આ કામ બાકી રહી ગયું છે અને તે માટે બેઠકોનો દોર ઝડપી બન્યો છે. અહીં સંગઠન ચુંટણીનું કામ બાકી છે. રાજ્યોના નવા પ્રમુખોના નામ જાહેર નહીં થવા પાછળનું સૌથી મોટું કારણ એ પણ માનવામાં આવે છે કે હજુ રાષ્ટ્રીય પ્રમુખની ચુંટણી માટેની તારીખ નક્કી થઈ નથી.
આ પણ વાંચો : ઉમિયા સેવા પ્રગતિ મંડળમાં નાણાંકીય ઉચાપત? સભ્યો પાસેથી નાણાં ઉઘરાવી લાખો રૂપિયાના હિસાબો ન અપાયાના આક્ષેપ
તે અંગે નિર્ણય થઈ ગયા બાદ નવા પ્રમુખોના નામ પણ જાહેર થઈ શકે છે તેમ મનાય છે. ગુજરાતમાં પણ છેલ્લા ઘણા સમયથી નવા પ્રમુખના નામની રાહ જોવાઈ રહી છે. પાર્ટીના કેટલાક નેતાઓ એમ માને છે બધા જ રાજ્યોનાં પ્રમુખોના નામ નક્કી થઈ જાય અને પસંદગી જાહેર થઈ જાય અને ત્યારબાદ પણ જો રાષ્ટ્રીય પ્રમુખનું નામ નક્કી ન થાય તો ખોટો મેસેજ જઈ શકે છે માટે રાષ્ટ્રીય પ્રમુખના નામની સાથે જ કદાચ રાજ્ય પ્રમુખોના નામ જાહેર થઈ શકે છે.
