રાજકોટથી અમદાવાદ માત્ર બે કલાકમાં અને અમદાવાદથી સોમનાથ માત્ર 4 કલાકમાં પહોંચી શકાશે, જાણો ક્યારે તૈયાર થશે એક્સપ્રેસવે

સરકારે કાગળ ઉપર બનાવેલી યોજના જો વાસ્તવમાં અમલી બનશે તો આવનારા ત્રણ વર્ષમાં અમદાવાદથી સોમનાથ કોઈ પણ વાહન ચાલક માત્ર 4 કલાકમાં પહોંચી શકશે. સરકાર અત્યારે એક્સપ્રેસ વે તૈયાર કરી રહી છે અને તેમાં આ યોજનાનો સમાવેશ કરવામાં આવ્યો છે. આ એક્સપ્રેસ વે 1110 કિલોમીટર લંબાઈનાં છે અને તે 13 જિલ્લામાંથી પસાર થાય છે. કુલ 93 હજારના ખર્ચ ધરાવતા આ એક્સપ્રેસ વે પ્રોજેક્ટથી રાજ્યની 45 ટકા વસતિને લાભ થશે.

આ વર્ષના રાજ્ય બજેટમાં જાહેર કરાયેલ, આ એક્સપ્રેસવેની કામગીરી ગુજરાત રાજ્ય માર્ગ વિકાસ નિગમ (GSRDC) દ્વારા કરવામાં આવી રહી છે, કેટલીક વહીવટી પ્રક્રિયા પછી ટેન્ડર બહાર પાડવામાં આવશે – આ પ્રક્રિયામાં લગભગ છ મહિના લાગવાની અપેક્ષા છે તેમ અમદાવાદ મિરરનાં એક અહેવાલમાં જણાવાયું છે.

કોન્ટ્રાક્ટ આપ્યા પછી, બાંધકામ 36 મહિનામાં પૂર્ણ કરવાનું લક્ષ્ય છે. હાઇવેનો વિકાસ જાહેર-ખાનગી ભાગીદારી (PPP) મોડેલ હેઠળ અથવા અન્ય નવીન કરાર પદ્ધતિઓ દ્વારા કરવામાં આવશે. મુખ્યમંત્રીની અધ્યક્ષતામાં તાજેતરમાં મળેલી ઉચ્ચ સ્તરીય બેઠકમાં પ્રોજેક્ટની સમીક્ષા કરવામાં આવી હતી અને અધિકારીઓને વહેલી તકે પાયાનું કામ શરૂ કરવા નિર્દેશ આપવામાં આવ્યો હતો. બંને એક્સપ્રેસવેનો હેતુ ગુજરાતની પૂર્વ-પશ્ચિમ અને ઉત્તર-દક્ષિણ કનેક્ટિવિટીને મજબૂત બનાવવાનો છે.

આ પણ વાંચો : જે વિસ્તારમાં રહેતો હોય તે કર્મચારી BLO : આંગણવાડી કર્મચારીઓને BLO તરીકે ઓર્ડર થતા વિરોધ

સોમનાથ-દ્વારકા એક્સપ્રેસવે, જેનો અંદાજિત ખર્ચ ₹57,120 કરોડ છે, તેમાં ત્રણ વિભાગોનો સમાવેશ થશે: રાજકોટથી પોરબંદર, અમદાવાદથી રાજકોટ અને જેતપુરથી સોમનાથ. આ એક્સપ્રેસ વે બની ગયા પછી અમદાવાદથી સોમનાથ સુધીનો પ્રવાસ સમય ઘટીને ફક્ત ચાર કલાકનો થઈ જશે. વિભાગના એક વરિષ્ઠ અધિકારીએ જણાવ્યું હતું કે આ કોરિડોર અમદાવાદ, રાજકોટ, દ્વારકા અને આસપાસના વિસ્તારોમાં સીમલેસ કનેક્ટિવિટી પ્રદાન કરશે.

આ પણ વાંચો : India Cricket Schedule : ટીમ ઈન્ડિયા જૂલાઈમાં 4 ટેસ્ટ, 4 ટી-20 અને 3 વન-ડે રમશે, જુઓ સંપૂર્ણ શેડ્યૂલ

દરમિયાન, નમો શક્તિ એક્સપ્રેસવેનો ખર્ચ લગભગ ₹36,120 કરોડ થવાનો અંદાજ છે. એકસાથે, બંને એક્સપ્રેસવે એક આધુનિક, દૂરગામી રોડ નેટવર્ક સ્થાપિત કરશે જેનો સીધો લાભ અમરેલી, બોટાદ, સુરેન્દ્રનગર, પાટણ, બનાસકાંઠા, અમદાવાદ, રાજકોટ, મોરબી, જામનગર, દેવભૂમિ દ્વારકા, પોરબંદર, જૂનાગઢ અને ગીર સોમનાથ જિલ્લાઓને મળશે. બધા જિલ્લા મુખ્યાલયો નવા રૂટથી એક કલાકની પહોંચમાં હશે.

વધુમાં, હાઇવે પર દર 50 કિમી પર રસ્તાની સાઇડ સુવિધાઓ પૂરી પાડવામાં આવશે, જેમાં હળવા અને ભારે વાહનો માટે પાર્કિંગ, શૌચાલય, ગુણવત્તાયુક્ત ખોરાક અને પીણાના આઉટલેટ્સ, ઇંધણ સ્ટેશન, તબીબી સેવાઓ અને અન્ય આવશ્યક સુવિધાઓનો સમાવેશ થાય છે.

નવા કોરિડોર ગુજરાતના ઘણા મુખ્ય ઔદ્યોગિક કેન્દ્રો અને અંબાજી, ધરોઈ, પોલો ફોરેસ્ટ, મોઢેરા, બેચરાજી, જામનગર, દ્વારકા, પોરબંદર અને સોમનાથ જેવા પ્રવાસન સ્થળોને પણ જોડશે. મંડલ SIR, બાવળા, સાણંદ, રાજકોટ-શાપર, પોરબંદર-કોડીનાર અને ધોલેરા સહિત મુખ્ય ઔદ્યોગિક ઝોન સાથે જોડાણમાં નોંધપાત્ર વધારો થશે.