શિક્ષણમાં ડિજિટલ ક્રાંતિ : A.Iની મદદથી રાજકોટમાં ડ્રોપઆઉટની સંભાવના ધરાવતા 3206 બાળકોની કરાઈ ઓળખ

AIની મદદથી રાજકોટ જિલ્લામાં સ્કૂલ ડ્રોપઆઉટની શકયતા ધરાવતાં 3206 વિધાર્થીઓની ઓળખ કરી તેમના વાલીઓને પ્રવેશોત્સવમાં ખાસ આમંત્રણ આપીને બોલાવાયા છે,જ્યાં આ બાળકોનું શિક્ષણ પૂરું કરવા સમજ આપવામાં આવસેમ સરકારના ‘સર્વ શિક્ષા અભિયાન’ અંતર્ગત ‘ચાઇલ્ડ ટ્રેકિંગ સિસ્ટમ’ પોર્ટલ કાર્યરત છે. જેમાં વર્ષ ૨૦૨૪માં આર્ટિફિશિયલ ઇન્ટલિજન્સ આધારિત ‘અર્લી વોર્નિંગ સિસ્ટમ’ વિકસાવાઈ છે. રાજકોટ જિલ્લા પ્રાથમિક શિક્ષણ અધિકારી દીક્ષિતભાઈ પટેલના માર્ગદર્શન હેઠળ શહેર અને ગ્રામ્ય વિસ્તાર મળીને સમગ્ર જિલ્લાની સરકારી અને ખાનગી દરેક પ્રકારની શાળાઓ અને તમામ વિદ્યાર્થીઓની પૂરેપૂરી માહિતી ‘ચાઈલ્ડ ટ્રેકિંગ સિસ્ટમ’ પોર્ટલ પર ઉપલબ્ધ છે.

રાજકોટ ડિસ્ટ્રિકટ મેનેજમેન્ટ ઇન્ફોર્મેશન સિસ્ટમ કો-ઓર્ડીનેટર શૈલેષભાઈ પટેલે જણાવ્યું હતું કે, શહેરમાં કુલ 964 શાળાઓમાં આશરે 2,80,105વિદ્યાર્થીઓ તેમજ ગ્રામ્યમાં કુલ 1757 શાળાઓમાં અંદાજે 3,47,169 વિદ્યાર્થીઓ અભ્યાસ કરી રહ્યાં છે. ‘અર્લી વોર્નિંગ સિસ્ટમ’ થકી અત્યાર સુધીમાં સ્કૂલ ડ્રોપઆઉટની સંભાવના ધરાવતા લગભગ 3206 વિદ્યાર્થીઓને આઇડેન્ટિફાઇ કરાયા છે.

અર્લી વૉર્નિંગ સિસ્ટમ (E.W.S.) કેવી રીતે કામ કરે છે?

સંપૂર્ણપણે વૈજ્ઞાનિક અભિગમ ધરાવતી આર્ટિફિશિયલ ઇન્ટેલિજન્સ (A.I.) આધારિત અર્લી વૉર્નિંગ સિસ્ટમ (E.W.S.) બાલવાટિકાથી લઈને ધો. 12માં ભણતા પ્રત્યેક વિદ્યાર્થીના રેકોર્ડ (ઉંમર, જાતિ વગેરે), શાળા પ્રદર્શન, હાજરી અને મૂલ્યાંકન જેવા ડેટાનો ઉપયોગ કરીને વિદ્યાર્થીના સંભવિત ડ્રોપઆઉટ થવાની અગાઉથી આગાહી કરે છે અને તેને અટકાવવા માટેના પગલાં લેવા માટે એલર્ટ આપે છે.

આ પણ વાંચો : જગન્નાથ રથયાત્રાનો પ્રારંભ : અમદાવાદમાં ગજરાજ બેકાબૂ થતાં નાસભાગ,રાજકોટવાસીઓ રંગાયા ભગવાન જગન્નાથના રંગમાં
આ સિસ્ટમમાં એલ્ગોરિધમ થકી ડેટાની પેટર્ન પરથી સંભવિત ડ્રોપઆઉટ લેનારા બાળકની ઓળખ કરવામાં આવે છે. જેથી, ડ્રોપઆઉટનું જોખમ ધરાવતા વિદ્યાર્થીઓ પર વિશેષ ધ્યાન આપીને ડ્રોપઆઉટ થયા પહેલાં જ સમયસર પગલાં લઇ શકાય.વિદ્યાર્થીઓના ડ્રોપઆઉટ માટેના મુખ્ય પરિબળોમાં શાળામાં તેમની સતત ગેરહાજરી, શિક્ષણમાં નબળું પ્રદર્શન, બાળકની તંદુરસ્તી, શારીરિક દિવ્યાંગતા, બાળકની વર્તણૂંક વગેરેનો સમાવેશ થાય છે.