7 વર્ષે પણ રાજકોટ-અમદાવાદ સિક્સલેન હાઈવે અધૂરો, એજન્સીને દંડ કરો ; સરકારને ગોપાલ અનડકટનો ખુલ્લો પત્ર
રાજકોટ સહિત દેશભરમાં ટ્રાફિકના નિયમ ભંગ સબબ થતાં દંડની રકમમાં દસ ગણો વધારો દ્વારા ઝીંકી સામાન્ય નાગરીકોની કમર ભાંગી નાખી છે જે દંડ ૧૦૦ રૂપિયા થતો હતો તે હવે વધીને ૧૦૦૦ થવા જઈ રહ્યો છે સરકારના પાપે આર્થિક ભીંસમાં સપડાયેલ પ્રજા દંડ વધારાથી આત્મહત્યાનો માર્ગ અપનાવે તો નવાઈ નહીં આ દંડ ઉઘરાવવા સામે પણ કોઈ વાંધો નથી પરંતુ સામે સુવિધાના નામે મીંડું આપવામાં આવી રહ્યું છે.
રાજકોટ અમદાવાદ સિક્સ લેનનું કામ છેલ્લા સાત વર્ષથી ચાલી રહ્યું છે આ કોન્ટ્રાકટરને કોઈ દંડ થશે કે કેમ તેવા પ્રશ્નો ઉઠવા પામ્યા છે હાઈવે ઉપર તોતિંગ ટોલ ઉઘરાવતી સરકાર અકસ્માતો ઉપર અંકુશ મેળવવામાં નિષ્ફળ નીવડી છે.
સુપ્રીમ કોર્ટની ગાઈડલાઈન હોવા છતાં ટ્રાફિક બ્રિગેડ જવાનોને ફરજ પર રાખી હક ન હોવા છતાં વાહન રોકી, લાયસન્સ માંગી બેફામ ઉઘરાણી કરવામાં આવી રહી છે તો લાંચિયા અધિકારીઓને પણ ઘરભેગા કરવાને બદલે અન્ય સ્થળે પોસ્ટિંગ આપી ત્યાં ભ્રષ્ટાચાર કરવાની નીતિ સામે દંડમાં થોડી રાહત આપવા પ્રદેશ કોંગ્રેસ મહામંત્રી ગોપાલ અનડકટએ કેન્દ્ર સરકાર અને રાજ્ય સરકારને
પત્ર લખી તમામ નીતિઓમાં સુધારા કરવા માંગ કરી છે.
ગોપાલ અનડકટએ વાહન વ્યવહાર મંત્રી નિતીન ગડકરીને સંબોધીને લખેલા પત્રમાં જણાવ્યું હતું કે સુપ્રીમ કોર્ટની ગાઈડલાઈન હોવા છતાં ટ્રાફિક બ્રિગેડની ભરતી કરવામાં આવી રહી છે અને તે તમામ પાસે નિયમ વિરુધ્ધ કામ કરાવવામાં આવી રહ્યુ છે. બ્રિગેડને વેતન ૩૦૦ રૂપિયા જ મળતું હોય છે પરંતુ કટકી કરીને દરરોજ હજાર રૂપિયા ઘરભેગા કરી જતાં હોય છે બીજી તરફ ટ્રાફિકના જુદા
જુદા નિયમ ભંગ સબબ કરવામાં આવેલ દંડની રકમમાં પણ ૧૦ ગણો વધારો કરવામાં આવ્યો જેમાં ડ્રિક એન્ડ ડ્રાઈવમાં ૧૦૦૦ ના દસ હજાર, હેલમેટના ૧૦૦ થી ૧૦૦૦, સીટ બેલ્ટના ૧૦૦ થી ૧૦૦૦, ચાલુ ગાડીએ વાત કરવાના ૫૦૦ ના ૫૦૦૦, લાયસન્સના ૫૦૦ ની સામે ૫૦૦૦, ત્રિપલ સવારીના ૧૦૦ સામે ૧ હજાર, પિયુસીના ૧૦૦૦ સામે ૧૦ હજારનો દંડ ફટકારવા નવી નીતિ ઘડવામાં આવી છે જેને ટુંક સમયમાં જ અમલમાં મૂકવામાં આવશે.
લાંચ લેતા પકડાયેલા અધિકારીઓ કે કર્મચારીઓને ઘરભેગા કરી દેવાને બદલે તેમની માત્ર અન્ય સ્થળે બદલી કરીને સરકાર સંતોષ માની રહી છે તો બદલી પામેલ અધિકારી ત્યાં જઈને પણ પોતાની દુકાન ખોલીને બેસી જાય છે આવા અધિકારીઓ સામે કડક પગલાં લેવા જોઈએ તેવું પણ જણાવવામાં આવ્યું છે.
