જૉર્ડનથી ઇઝરાયલમાં ગેરકાયદેસર રીતે ઘૂસવાનો પ્રયાસ કરનાર ભારતીય યુવકની ગોળી મારી હત્યા
કેરળના એક યુવકની જોર્ડન બોર્ડર પર ગોળી મારીને હત્યા કરી દેવાઈ હતી. આ સંબંધમાં તેના પરિવારને અમ્માનમાં હાજર ભારતીય દૂતાવાસનો એક પત્ર મળ્યો છે. પત્ર અનુસાર યુવક ત્રણ અન્ય લોકોની સાથે પર્યટક વિઝા પર જોર્ડન ગયો હતો. તેને સુરક્ષા દળોએ ગોળી મારી દીધી હતી. આરોપ લાગ્યો છે કે આ ત્રણેય શખ્ય ગેરકાયદેસર રીતે બોર્ડર પાર કરવાનો પ્રયત્ન કરી રહ્યાં હતાં અને ઇઝરાયલમાં ઘૂસવાનો પ્રયાસ કરતાં હતા. મૃતકની ઓળખ થૉમસ ગેબ્રિયલ પરેરા તરીકે થઈ છે. તેની ઉંમર 47 વર્ષ અને તિરુવનંતપુરમની પાસે થુંબાનો રહેવાસી હતો.
મૃતકની સાથે હાજર 43 વર્ષીય એડિસન નામની એક અન્ય યુવકને પણ ગોળી વાગી હતી. જોકે તે ઠીક થઈ ગયો હતો. થુંબાનો જ મૂળ રહેવાસી એડિસન પણ બે દિવસ પહેલા કેરળમાં પોતાના ઘરે પહોંચ્યો. આ ઘટના 10 ફેબ્રુઆરીની છે. થૉમસ અને એડિસન બંને માછીમાર સમુદાયથી હતાં અને ઓટોરિક્ષા ચલાવવાનું કામ કરતાં હતાં.
રિપોર્ટ્સ અનુસાર મૃતકના પરિવારજનોને જોર્ડનના અમ્માનમાં ભારતીય દૂતાવાસથી એક પત્ર મળ્યો, જેમાં કહેવામાં આવ્યું છે કે થૉમસ અને એક અન્ય વ્યક્તિ ગેરકાયદેસર રીતે કરકક જિલ્લામાં જોર્ડન બોર્ડર પાર કરવાનો પ્રયત્ન કરી રહ્યા હતા. સુરક્ષા દળોએ તેને રોકવાનો પ્રયત્ન કર્યો પરંતુ તેણે ચેતવણી સાંભળી નહીં.
ત્યારબાદ સુરક્ષા કર્મચારીઓએ તેમના પર ગોળીઓ ચલાવી દીધી હતી. એક ગોળી થોમસના માથામાં વાગી અને તેનું ઘટના સ્થળે મોત નીપજ્યું હતું. બાદમાં તેના મૃતદેહને સ્થાનિક હોસ્પિટલ મોકલી દેવાયો હતો. વેરિફિકેશન બાદ મૃતદેહને ભારત લઈ જવાની વ્યવસ્થા કરવામાં આવી છે .
