તાજમહેલ નહીં તેજોમહાલય છે !! મહાશિવરાત્રિએ તાજમહેલમાં મહિલાએ ભગવાન શિવનો જળાભિષેક કર્યો, સંગમથી ગંગાજળ લાવી ચઢાવ્યું

આગ્રાના તાજમહેલમાં, એક હિન્દુ સંગઠન કાર્યકર, મીરા રાઠોડે, શિવલિંગ સ્થાપિત કર્યું અને ગંગાજળ અર્પણ કર્યું. મહિલાએ કહ્યું કે આ તાજમહેલ નથી પણ તેજમહાલય છે. મહિલાએ આ વીડિયો પણ બનાવ્યો છે. જેમાં તે તાજમહેલ સંકુલમાં શિવલિંગ સ્થાપિત કરતી અને ગંગાજળ અર્પણ કરતી જોવા મળે છે. મહિલાએ ધૂપદાની વડે પૂજા કરી. તેમણે કહ્યું કે આ પરિસરને અન્ય સમુદાયના લોકોએ ચાદર અને બિરયાનીનું વિતરણ કરીને અપવિત્ર કર્યું હતું, તેથી તેમણે તેજોમહાલયનું શુદ્ધિકરણ કર્યું છે.

શિવલિંગ સ્થાપિત કરીને ગંગાજળથી અભિષેક કરવામાં આવ્યો હતો

હિન્દુ મહાસભાના કાર્યકરો પ્રયાગરાજ મહાકુંભમાં સ્નાન કરવા ગયા હતા. અને ત્યાં તેમણે મહાશિવરાત્રિના દિવસે તાજમહેલમાં શિવલિંગ સ્થાપિત કરવાનો સંકલ્પ કર્યો હતો. જેથી આજે બુધવારે તાજમહેલને ગંગાજળથી શુદ્ધ કર્યા પછી એક શિવલિંગ સ્થાપિત કરીને ગંગાજળથી અભિષેક કરવામાં આવ્યો હતો.

વીડિયોમાં તાજમહેલમાં ભગવાન શિવને અભિષેક કરે છે

આ અંગે મીરા રાઠોડે કહ્યું કે, આજે મહાશિવરાત્રિ છે. સાધુઓ, સંતો, દેવતાઓ અને સમગ્ર બ્રહ્માંડ સ્નાન કરી રહ્યા છે. ત્યારે તેજો મહાલયમાં ભોલે બાબા કેવી રીતે સ્નાન કર્યા વિના રહી શકે? મીરા રાઠોડના કેટલાક વીડિયો ઇન્ટરનેટ મીડિયા પર વાઈરલ થઈ રહ્યા છે. જેમાં તે તાજમહેલમાં ભગવાન શિવને અભિષેક કરતી જોવા મળે છે. શ્રાવણ મહિનાની શરૂઆતમાં તે તાજમહેલ પર ભગવો ધ્વજ ફરકાવવા બદલ પકડાઈ ગઈ હતી.

આ ઘટનાનો આખો વીડિયો સોશિયલ મીડિયા પર વાયરલ થઈ રહ્યો છે. તમને જણાવી દઈએ કે હિન્દુ પક્ષના ઘણા લોકો તાજમહેલને ભગવાન શિવનું મંદિર પણ માને છે. આ સંગઠનોનો દાવો છે કે તાજમહેલ વાસ્તવમાં ભગવાન શિવનું તેજોમહાલય નામનું મંદિર છે. સમયાંતરે તાજમહેલનું નામ બદલીને તેને મંદિર જાહેર કરવાની માંગણીઓ ઉઠી છે.