ઓલ ધ બેસ્ટ ટીમ ઈન્ડિયા !! ચેમ્પિયન્સ ટ્રોફી માટે દુબઈ જવા ટીમ ઈન્ડિયા રવાના, તમામ ખેલાડીઓ એરપોર્ટ પર સ્પોટ થયા
ભારતીય ક્રિકેટ ટીમ ચેમ્પિયન્સ ટ્રોફી માટે દુબઇ રવાના થઇ છે.ભારત પોતાની તમામ મેચ દુબઇમાં રમશે જ્યારે બાકી મેચ પાકિસ્તાનમાં રમાશે. ટૂર્નામેન્ટની શરૂઆત 19 ફેબ્રુઆરીથી થઇ રહી છે. ભારતીય ટીમની પહેલી ટુકડી દુબઈ જવા માટે રવાના થઈ છે. આ ટુકડીમાં કેપ્ટન રોહિત શર્મા ઉપરાંત કોચ ગૌતમ ગંભીર, સ્ટાર બેટર વિરાટ કોહલી સહિતના સામેલ હતા. જો કે રોહિત મુંબઈ એરપોર્ટ ઉપર પોતાની વ્યક્તિગત કાર લઈને પહોંચ્યો હોવાથી સવાલો પણ ઉપસ્થિત થવા લાગ્યા હતા.
ટીમ ઈન્ડિયા દુબઈ જવા રવાના થઈ
સમાચાર એજન્સી ANI એ X પર એક વીડિયો પોસ્ટ કર્યો છે. ભારતીય ખેલાડીઓની સાથે હેડ કોચ ગૌતમ ગંભીર અને બોલિંગ કોચ મોર્ને મોર્કેલ પણ જોવા મળે છે. વિરાટ કોહલી, મોહમ્મદ શમી, શુભમન ગિલ, રિષભ પંત, રવીન્દ્ર જાડેજા, કુલદીપ યાદવ, અક્ષર પટેલ, હર્ષિત રાણા, વોશિંગ્ટન સુંદર, શ્રેયસ અય્યર, કેએલ રાહુલ, વરુણ ચક્રવર્તી, અર્શદીપ સિંહ અને સહાયક કોચ રાયન ટેન ડોશેટ એરપોર્ટ પર જોવા મળ્યા હતા.
તમામ ખેલાડીઓ એરપોર્ટ પર સ્પોટ થયા
ટીમ ઈન્ડિયાના નવા બેટિંગ કોચ સિતાંશુ કોટક પણ એરપોર્ટ પર ટીમ સાથે જોવા મળ્યા હતા, જ્યારે રોહિત શર્મા બીજા એક વીડિયોમાં ફિલ્ડિંગ કોચ ટી દિલીપ સાથે જોવા મળ્યો હતો. આ દરમિયાન ટીમ ઈન્ડિયાનો સ્ટાર ઓલરાઉન્ડર હાર્દિક પંડ્યા પણ ટીમ સાથે હાજર હતો. ભારતીય ક્રિકેટ ટીમનો પહેલો બેચ ICC ચેમ્પિયન્સ ટ્રોફીમાં ભાગ લેવા માટે દુબઈ જવા રવાના થઈ ગયો છે.
ટીમ ઈન્ડિયા
રોહિત શર્મા (કેપ્ટન), શુભમન ગીલ, શ્રેયસ અય્યર, વિરાટ કોહલી, ઋષભ પંત (વિકેટકિપર), કે.એલ.રાહુલ, રવિન્દ્ર જાડેજા, હાર્દિક પંડ્યા, અક્ષર પટેલ, વોશિંગ્ટન સુંદર, અર્શદીપ સિંહ, હર્ષિત રાણા, કુલદીપ યાદવ, મોહમ્મદ શમી, વરુણ ચક્રવર્તી.
