શાહરુખ ખાને શા માટે પોતાના પિતાને મોસ્ટ સક્સેસફૂલ ફેલિયર તરીકે ઓળખાવ્યા ?? કિંગ ખાને પોતે જણાવી પિતાની જર્ની
શાહરૂખ ખાન તેમના શાનદાર અભિનય કૌશલ્ય માટે જાણીતા છે અને તેમની વાત કરવાની રીતના પણ વખાણ થાય છે. તે ઘણીવાર તેના ઇન્ટરવ્યુમાં તેના માતાપિતા વિશે વાત કરતો જોવા મળે છે. એકવાર તેણે તેના પિતા વિશે વાત કરી. તેણે કહ્યું હતું કે કેવી રીતે તેના પિતા વકીલથી ચાની દુકાનવાળા બન્યા હતા. એટલું જ નહીં, તેમણે પોતાના પિતાને સક્સેસફૂલ ફેલિયર તરીકે ઓળખાવ્યા હતા. તેમણે આ પાછળનું કારણ જણાવ્યું.
તેમને મોસ્ટ સક્સેસફૂલ ફેલિયર કેમ કહેવામાં આવ્યા ?
શાહરૂખ ખાન એક વાર અનુપમ ખેરના શોમાં ગયો હતો. જ્યાં અનુપમ ખેરે તેમને પૂછ્યું હતું કે તમે એક સમયે તમારા પિતાને મોસ્ટ સક્સેસફૂલ ફેલિયર કહ્યા હતા. શાહરુખે કહ્યું હતું કે પહેલા તેમના પિતા વકીલ હતા , પછી તે પ્રેક્ટિસ જ ન કરી, તેને લાગ્યું કે તે તેના માટે યોગ્ય નથી. તેમણે કહ્યું કે તેઓ કદાચ દેશના સૌથી યુવા સ્વાતંત્ર્ય સેનાની હતા. આ બાબતે તેમને તામ્રપત્ર પણ મળ્યું હતું . તે ૧૪-૧૫ વર્ષની ઉંમરે જેલમાં પણ ગયા હતા. મને લાગે છે કે તેમણે મૌલાના અબ્દુલ કલામ આઝાદ સામે ચૂંટણી પણ લડી હતી અને હારી ગયા હતા.
બધા વ્યવસાય નિષ્ફળ ગયા
શાહરુખે આગળ કહ્યું- તે પછી તેણે ખૂબ મોટો ધંધો શરૂ કર્યો પણ તે નિષ્ફળ ગયો. તેણે ફર્નિચરનો ધંધો શરૂ કર્યો, તે નિષ્ફળ ગયો. પછી તેણે ટ્રાન્સપોર્ટનો ધંધો શરૂ કર્યો, તે પણ નિષ્ફળ ગયો. પછી તેનું એક રેસ્ટોરન્ટ હતું, જે નિષ્ફળ ગયું. અંતે સ્વતંત્રતા સેનાનીઓને એક નાની જગ્યા આપવામાં આવી. તેમને હોસ્પિટલની પાછળ જગ્યા આપવામાં આવી હતી. જ્યાં તે ચા બનાવતા અને વેંચતા હતા. તે એમએ એલએલબી હતા, ખૂબ જ શિક્ષિત હતા અને આજે હું જે કંઈ છું તે તેના કારણે જ છું. તેઓ ન તો રાજકારણમાં જોડાયા કે ન તો સ્વતંત્રતા સેનાની હોવાનો લાભ લીધો. તે ખૂબ જ પ્રામાણિક હતા. તેમના પછીના દિવસોમાં, તેઓ NSD માં પણ મેસ ચલાવતા હતા.
ઉલ્લેખનીય છે કે શાહરૂખ ખાનના પિતાનું નામ મીર તાજ મોહમ્મદ ખાન છે, જેમનું ૧૯૮૧માં કેન્સરથી અવસાન થયું હતું. તેઓ સ્વતંત્રતા સેનાની હતા. તેમની પત્નીનું નામ ફાતિમા ખાન હતું, જેનું ૧૯૯૧માં શાહરૂખ ખાન હિન્દી સિનેમામાં પ્રવેશ કરે તે પહેલાં અવસાન થયું હતું.
