‘તને રસોઈ બનાવતા આવડતી જ નથી’ કહી પરિણીતાને પતિ સહીતના સાસરિયાનો ત્રાસ

ત્રંબામાં માવતરે રહેતી પરિણીતાએ ભચાઉ પીજીવીસીએલ ડિવિઝનમાં નોકરી કરતાં પતિ,સાસુ-સસરા અને નણંદ વિરુદ્ધ ગુનો નોંધાવ્યો

રાજકોટમાં ત્રંબામાં રહેતાં મૂળ અમરેલીના પરિણીતાને ભચાઉ પીજીવીસીએલ ડિવિઝનમાં નોકરી કરતાં પતિ ‘તને રસોઈ બનાવતા આવડતી નથી’ કહી ત્રાસ આપતા તેમજ મારકૂટ કરતા હતા.ઉપરાંત સાસુ-સસરા અને નણંદ નાની-નાની વાતોમાં ટોણા મારીને ઝગડો કરતા હોવાથી તેણી માવતરના ઘરે આવી ગઈ હતી.અને પતિ સહીતનાઓ તેડવા ન આવતા અંતે ફરિયાદ નોંધાવી હતી.

વિગતો મુજબ હાલ કસ્તુરબા ધામ ત્રંબામાં રહેતાં મૂળ અમરેલીના વતની અંજલીબેન કેવલભાઈ ભાડ  (ઉ.વ.25) એ પોતાની ફરિયાદમાં આરોપીમાં તેના પતિ કેવલ ભાડ (રહે. ભચાઉ પીજીવીસીએલ સબ ડિવિઝન), સાસુ વર્ષાબેન, સસરા કિશોરભાઈ ભાડ (રહે. બંને જેસિંગપરા, અમરેલી) અને નણંદ ભૂમિબેન નીરવ સરવૈયા (રહે. બ્રાહ્મણ સોસાયટી, અમરેલી)નું નામ આપતા જણાવ્યું હતું કે,તેણી છેલ્લા અઢી વર્ષથી પિયરમાં માતા પિતા સાથે રહે છે. તેણીએ તા.06/12/2019 ના કેવલ ભાડ સાથે રાજકોટ લગ્ન કરેલ અને બાદ તેણી અમરેલી જીલ્લામાં સંયુકત પરિવારમાં રહેતી હતી.થોડા સમય બાદ સાસરિયાવાળા નાની નાની વાતમાં ઝઘડો કરતા અને તે રસોઈ બનાવતી હોય ત્યારે સાસુ કહેતા કે, તને કાંઈ બનવતા આવડતું નથી અને જયારે ઘરનું કામ કરતી હોય ત્યારે કહેતા કે, તું કાંઇ કામ કરતી નથી, વહેલી ઉઠતી નથી. તેના  સસરા કિશોરભાઈ પ્રસંગો કપડા લેવાની ના પાડતા તથા કયારેક તેણીને બહારનું જમવાનું મન થાય ત્યારે પણ ના પાડતા હતાં. તેણી  પતિને કાઈ ઘરની વાત પુછતી તો કહેતા કે, આ અમારા ઘરની વાતમાં તારે કાંઈ ધ્યાન આપવું નહી.

તેમજ નણંદ ભુમીબેન સાસુને ફોનમાં તેણી વિરુધ્ધમાં ચઢામણી કરતા હતાં. દંપતી વચ્ચે ઝઘડો થયેલ ત્યારે તેણી પિયર આવેલ અને બાદમાં સમાધાન કરી પતિ તથા સસરા તેડી ગયેલ હતાં. પતિ તથા મારા સસરા મને તેડી ગયેલ અને મારા સાસરીયાવાળા અંધશ્રધ્ધામાં વધુ પડતું માનતા હતા. ઉપરાંત  પતિ નાની નાની વાતમાં મેણા ટોણા મારતા મારી અવાર નવાર મારકુટ કરી હેરાન કરતા હતાં. જેથી આ મામલે મહિલા પોલીસમાં ફરિયાદ કરતાં ગુનો નોંધી  તપાસ આદરી હતી.