ગુજરાતમાંથી એક વર્ષમાં ૭૩૦૩ કરોડનું ડ્રગ પકડાયુ

થોડા ઘણા ગાંજાને બાદ કરતા મોટાભાગનું ડ્રગ પંજાબ જવાનુ હતુ
ગુજરાતનો વિશાળ દરિયાકાંઠો દાણચોરોને આકર્ષે છે

ગાંધીવાદી વારસા માટે ગૌરવ વ્યક્ત કરતુ ગુજરાત આમ તો ડ્રાય સ્ટેટ ગણાય છે પરંતુ અહી ટેન્કર ભરી ભરીને દારુ ઠલવાય છે તે વાત જૂની થઇ ગઈ છે. હવે તો ડ્રગની બોલબાલા છે. ચોંકાવનારી વાત એ છે કે, ૨૦૨૪માં એક જ વર્ષમાં ગુજરાતમાંથી ૭૩૦૩ કરોડ રૂપિયાનું ડ્રગ પકડાયુ છે.

જે ડ્રગ પકડાયું છે તે મોટાભાગે પંજાબ ડીલીવર થવાનું હતું પરંતુ જાણકારોએ એવી ચેતવણી આપી છે કે, ડ્રગનો વપરાશ ગુજરાતની સરહદની નજીક આવી ગયો છે. ગુજરાતમાં મેફેડ્રોનના સ્થાનિક વેચાણમાં વધારો જોવા મળ્યો છે, જે વપરાશનો સંકેત આપે છે. ગયા વર્ષે, ગુજરાત, રાજસ્થાન અને મધ્યપ્રદેશ એમ ત્રણ રાજ્યોમાં ફેલાયેલા ત્રણ મોટા ગુનાઓમાં 1,882 કિલો મેફેડ્રોન જપ્ત કરવામાં આવ્યું હતું.

ગુજરાત આતંકવાદ વિરોધી ટુકડી (ATS) દ્વારા સ્વતંત્ર રીતે અથવા ભારતીય કોસ્ટ ગાર્ડ (ICG) જેવી અન્ય એજન્સીઓ સાથે મળીને કુલ 6,871 કરોડ રૂપિયાનું ડ્રગ્સ જપ્ત કરવામાં આવ્યું હતું.

ગુજરાત પોલીસના ડેટા અનુસાર, એક વર્ષમાં કુલ 24,000 કિલો ડ્રગ્સ જપ્ત કરવામાં આવ્યું હતું અને 848 વ્યક્તિઓ પર નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ 582 કેસ હેઠળ કેસ દાખલ કરવામાં આવ્યો હતો.

ગુજરાત ATSના DIG સુનિલ જોશીએ સ્પષ્ટતા કરી હતી કે જે ડ્રગ પકડાયુ છે તેમાંથી મોટાભાગનું ડ્રગ પંજાબ માટે હતું.
તેમણે ઉમેર્યું હતું કે ગુજરાતમાં હેરોઈન અથવા કોકેઈન જેવા હાઈ-પ્રોફાઈલ ડ્રગ્સના વપરાશમાં કોઈ નોંધપાત્ર વલણ જોવા મળ્યું નથી. “થોડા કિલોગ્રામ ગાંજા જેવા નાના માલ ગુજરાત માટે મોકલવામાં આવતા હતા,”

નિષ્ણાતો માને છે કે ગુજરાતનો વિશાળ દરિયાકિનારો અને મોટા બંદરો તેને દાણચોરો માટે આકર્ષક પરિવહન કેન્દ્ર બનાવે છે. એક વરિષ્ઠ પોલીસ અધિકારીએ જણાવ્યું હતું કે, “તેના દરિયાઈ માર્ગો તેને અન્ય રાજ્યોમાં મોકલવામાં આવતા માલને ઉતારવા માટે પ્રથમ પસંદગી બનાવે છે.”

જોકે, એવી દલીલ પણ થઇ રહી છે કે, જે રીતે ગુજરાતમાંથી કોકેઇન અને અન્ય ડ્રગ પકડાય છે તે જોતા અહી વપરાશ થતો હોય તે વાતનો ઇનકાર થઇ શકે નહી..