ક્રેડિટ કાર્ડની લિમિટ વધારવાના બહાને બેક કર્મીએ 10 ગ્રાહકો સાથે 3.65 લાખની છેતરપિંડી કરી
જેતપુરમાં આવેલી બેંક ઓફ બરોડામાં નોકરી કરતાં કમર્ચારીનું કારસ્તાન : પોલીસે ગુનો નોંધ્યો
જેતપુરમાં આવેલી બેંક ઓફ બરોડામાં બેન્કમાં નોકરી કરતાં જૂનાગઢ શખસ સામે બેંકના ખાતેદાર દ્રારા છેતરપિંડીની ફરિયાદ નોંધાવવામાં આવી છે.આ કર્મચારી ક્રેડિટ કાર્ડની લિમિટ વધારવાના બહાને ૧૦ ગ્રાહકો સાથે 3.65 લાખની છેતરપિંડી કરતાં પોલીસે ગુનો નોંધી કાયદેસરની કાર્યવાહી કરી છે.
વિગતો મુજબ, જેતપુરમાં કેનાલ કાંઠે રૈયારાજ-૨ માં રહેતા ચંદ્રિકાબેન નટવરલાલ માલવીયા(ઉ.વ પર) એ નોંધાવેલી ફરિયાદમાં આરોપીમાં કે જૂનાગઢમાં રહેતા પ્રદીપ ભીખુભાઈ વાળાનું નામ આપતા જણાવ્યું હતું કે, તેમના તથા તેમના પતિનું છેલ્લા ૧૫ વર્ષથી જેતપુરમાં બેંક ઓફ બરોડામાં જોઈન્ટ સેવિંગ એકાઉન્ટ છે અને તેનું ક્રેડિટ કાર્ડ પણ હોય પરંતુ છેલ્લા ઘણા સમયથી ક્રેડિટ કાર્ડનો ઉપયોગ કરતા ન હોય આજથી ચારેક માસ પહેલા તેઓ બેંક પર ગયા હતા. ત્યારે ક્રેડિટ કાર્ડનું કામ કરનાર પ્રદીપ વાળાને મળ્યા હતા અને ક્રેડિટ કાર્ડ બધં કરવાની વાત કરતા તેણે મહિલા પાસે મોબાઇલ માંગ્યો હતો. બાદમાં તેણે કોઈ પ્રોસેસ કરી મોબાઇલ પરત આપ્યો હતો. ત્યારબાદ કહ્યું હતું કે, તમારું ક્રેડિટ કાર્ડ થોડા દિવસમાં બધ થઈ જશે. પરંતુ ત્રણ માસ બાદ મહિલાને બેંકમાંથી રૂ.70 હજાર ચૂકવવા માટેનો ફોન આવ્યો હતો.જેથી તેઓ બેંક પર ગયા હતા.અને તપાસ કરતાં માલૂમ પડ્યું હતું કે,આ પ્રદીપે ક્રેડિક કાર્ડ બંધ કરવાના બદલે ઓટીપી મેળવી પૈસા પોતાના ખાતામાં જમા કરી લીધા હતા.ઉપરાંત આમ કુલ 10 ગ્રાહકોના 3.65 લાખ હજમ કરી જતા તેના વિરુદ્ધ જેતપુર પોલીસ મથકમાં ફરિયાદ નોંધાવી છે.
