જાણો સની દેઓલની GADAR 2 અને અક્ષયની OMG 2 કેવી રહી

પ્રથમ ફિલ્મ ગદર 2 (Gadar 2) છે, જેમાં સની દેઓલ 22 વર્ષ પછી ફરી એકવાર તારા સિંહ અને અમીષા પટેલ સકીનાની ભૂમિકામાં જોવા મળશે. બીજી ફિલ્મ અક્ષય કુમાર, પંકજ ત્રિપાઠી, યામી ગૌતમ સ્ટારર OMG 2 છે. આવી સ્થિતિમાં લોકોની નજર બંને ફિલ્મોના બોક્સ ઓફિસ કલેક્શન પર પણ છે. બીજા દિવસની કમાણીનો અંદાજિત આંકડો સામે આવ્યો છે.

ગદર 2ની રિલીઝ પહેલા જ લોકોમાં ક્રેઝ જોવા મળ્યો હતો, જેનો ફાયદો ફિલ્મને શરૂઆતના દિવસે જ થયો હતો. ફિલ્મે પહેલા દિવસે 40.10 કરોડની કમાણી કરી હતી. જે બાદ એવી આશા જાગી હતી કે, શનિવારે સની દેઓલની ફિલ્મની કમાણી વધુ વધી જશે. જે પ્રારંભિક આંકડાઓ સામે આવ્યા છે તેમાં પણ આ વાત દેખાઈ રહી છે. OMG એ પણ પ્રથમ દિવસની સરખામણીએ બીજા દિવસે સારું પ્રદર્શન કર્યું છે.

ગદર 2 અને OMG 2 બોક્સ ઓફિસ કલેક્શન

sacnilk ના અહેવાલમાં બીજા દિવસે બંને ફિલ્મોનું અંદાજિત બોક્સ ઓફિસ કલેક્શન શેર કરવામાં આવ્યું છે, જે મુજબ ગદર 2 એ શનિવારે 43 કરોડ અને OMG 2 એ 14.5 કરોડની કમાણી કરી છે. શુક્રવારે OMG 2નું કલેક્શન 10.26 કરોડ હતું. એટલે કે બે દિવસમાં અક્ષયની ફિલ્મે 24.76 કરોડની કમાણી કરી લીધી છે. જ્યારે સની દેઓલની ફિલ્મનો આંકડો 83 કરોડને પાર કરી ગયો છે.

ટૂંક સમયમાં આ ફિલ્મ 100 કરોડની ક્લબમાં થશે સામેલ

જો કે ગદર 2 બોક્સ ઓફિસ પર જે રીતે પ્રદર્શન કરી રહી છે તે જોતા લાગે છે કે ટૂંક સમયમાં આ ફિલ્મ 100 કરોડની ક્લબમાં સામેલ થઈ જશે. આ ફિલ્મને અનિલ શર્માએ ડિરેક્ટ કરી છે. ફિલ્મમાં સની દેઓલ અને અમીષા પટેલ સિવાય ઉત્કર્ષ શર્મા પણ મહત્વના રોલમાં છે. તે તારા સિંહના પુત્રના રોલમાં જોવા મળે છે. ઉત્કર્ષ 2001માં રિલીઝ થયેલી ગદરના પહેલા ભાગમાં પણ હતો.