ભુજના કંડોઈ ગામે 18 વર્ષની યુવતી 540 ફૂટ ઊંડા બોરવેલમાં પડી : 6 કલાકથી રેસ્ક્યૂ ઓપરેશન ચાલુ
કચ્છ જિલ્લાના ભુજ તાલુકાના કંઢેરાઈ ગામમાં આજે સવારે 6 વાગ્યાના અરસામાં એક યુવતી 540 ફૂટ ઊંડા બોરવેલમાં પડી જતા સમગ્ર કચ્છમાં ખળભળાટ મચી જવા પામ્યો છે. વાડીમાં ખેતમજૂરી કરતા શ્રમજીવી પતિવારની 18 વર્ષની પુત્રી બોરવેલમાં પડી જતા રેસ્ક્યૂ ઓપરેશન હાથ ધરવામાં આવ્યું છે. ફાયરની ટીમ તેમજ NDRFની ટીમ ઘટનાસ્થળે પહોંચી છે અને 5 કલાકથી વધુ સમયથી યુવતીને બચાવવાની કામગીરી શરૂ કરવામાં આવી છે. હાલ રેસ્ક્યૂ ટીમને યુવતીને અવાજ સાંભળાતો પણ બંધ થઈ ગયો છે.
માહિતી અનુસાર જ્યારે આ યુવતી બોરવેલમાં પડી ગયાની જાણકારી મળી કે તરત જ બચાવ કામગીરી શરૂ કરી દેવામાં આવી હતી. શરૂઆતમાં તેનો બચાવોનો અવાજ પણ આવી રહ્યો હતો પરંતુ હાલમાં તેનો અવાજ આવતો પણ બંધ થઈ ગયાની માહિતી છે.ગામના લોકો આ ઘટનાને કારણે આઘાત પામી ગયા છે.
રેસ્ક્યૂ ઓપરેશન ચાલુ
આ ઘટનાની જાણકારી મળતાં ભુજમાં સંચાલિત ફાયર બ્રિગેડ ઘટનાસ્થળે દોડી આવ્યું હતું. એમ્બ્યુલન્સ પણ ઘટનાસ્થળે તૈનાત કરી દેવામાં આવી છે. આ ઉપરાંત ઘટનાના પગલે કચ્છ જિલ્લા પોલીસ વડા, ભુજ વહીવટી તંત્રની ટીમ સાથે ફાયર વિભાગ અને 108 એમ્બ્યુલન્સની ટીમ બચાવ કામગીરીમાં જોડાયું છે. યુવતીના બચાવ માટે NDRFની ટીમ ઘટનાસ્થળે પહોંચી છે. પીડિત યુવતી ખેતરમાં મજૂરી કરતાં શ્રમિક પરિવારની હોવાનો દાવો કરાયો છે.
છેલ્લા 6 કલાકથી આ રેસ્ક્યૂ ઓપરેશન ચાલી રહ્યું છે. પહેલા યુવતીનો અવાજ આવતો હતો પરંતુ હાલ મળતી વિગતો અનુસાર યુવતીનો અવજા આવતો બંધ થયો છે. બનાવને પગલે ઘટના સ્થળે પહોંચેલા ભુજ તાલુકા મામલતદારે મીડિયાને જણાવ્યું હતું કે, 18 વર્ષીય યુવતી બોરવેલમાં પડી જતાં સ્થાનિકો દ્વારા પ્રથમ બચાવા કાર્ય હાથ ધરવામાં આવ્યું હતું. પરંતુ તેઓ નિષ્ફળ રહેતા બનાવ અંગે તંત્રને જાણ કરવામાં આવી હતી.
