અમરીકા સામે શું આવ્યો છે નવો પડકાર ? શું થયું છે ? જુઓ

અમેરિકા હાલમાં આર્થિક સંકટનો સામનો કરી રહ્યું છે. સરકારી કર્મચારીઓને પગાર ચૂકવવા માટે તેમની પાસે પૂરતા પૈસા નથી. બંધ જેવી સ્થિતિ સર્જાઈ છે. નવા ચૂંટાયેલા રાષ્ટ્રપતિ ડોનાલ્ડ ટ્રમ્પ દ્વારા સરકાર માટે ભંડોળ એકત્ર કરવા માટેનું સમર્થન કરતું બિલ ગુરુવારે રાત્રે યુએસ સંસદમાં નિષ્ફળ ગયું હતું. આનાથી બચવા માટે અમેરિકા પાસે હવે ખૂબ જ ઓછો સમય રહી ગયો છે. અમેરિકામાં જો બિલ પાસ નહીં થાય તો શટ ડાઉનનો ખતરો પણ તોળાઈ રહ્યો છે.

સરકારી શટડાઉનથી બચવા માટે ગુરુવારે રાત્રે યુએસ સંસદમાં એક બિલ લાવવામાં આવ્યું હતું. આ બિલને ટ્રમ્પનું સમર્થન હતું. વિપક્ષી ડેમોક્રેટ સાંસદોએ આ બિલનો વિરોધ કર્યો હતો અને તેની વિરુદ્ધ મતદાન કર્યું હતું. પરિણામ એ આવ્યું કે આ બિલ સંસદમાં પસાર થઈ શક્યું નહીં. હકીકતમાં, ડેમોક્રેટ્સ ટ્રમ્પને તેમના નવા કાર્યકાળના પ્રથમ વર્ષ દરમિયાન કોઈ વાટાઘાટનો લાભ આપવા માંગતા નથી. આ કારણથી તેમણે આ બિલનો વિરોધ કર્યો હતો. ટ્રમ્પ રિપબ્લિકન પાર્ટીમાંથી જીત્યા છે.

ટ્રમ્પના સાંસદોએ પણ વિરોધ કર્યો
આ બિલનો વિરોધ માત્ર વિરોધ પક્ષના ડેમોક્રેટ સાંસદોએ જ નહીં પરંતુ ટ્રમ્પના કેટલાક સાંસદોએ પણ કર્યો હતો. આ બિલને સંસદમાં 174-235ના માર્જિનથી ફગાવી દેવામાં આવ્યું હતું. ટ્રમ્પની રિપબ્લિકન પાર્ટીના 38 સાંસદોએ પણ આ બિલનો વિરોધ કર્યો હતો.

આ બિલ પાસ કરવા માટે માત્ર શુક્રવાર રાત સુધીનો સમય હતો. એટલે કે અમેરિકન સરકાર પાસે 24 કલાક પોતાનો ખર્ચ ચલાવવા માટે પણ પૈસા નથી. જો તે પસાર નહીં થાય તો અમેરિકામાં શટડાઉન થશે. જો આમ થશે તો અમેરિકા મોટી મુશ્કેલીમાં મુકાઈ જશે. તેની અર્થવ્યવસ્થાને ભારે નુકસાન થશે. તેની સૌથી વધુ અસર ટ્રમ્પ પર પડશે.