ધો.12ના વિદ્યાર્થીઓ માટે મોટા સમાચાર : સામાન્ય પ્રવાહની બોર્ડની પરીક્ષાની તારીખમાં ફેરફાર, વાંચો નવું ટાઈમટેબલ
ધુળેટીની રજાના કારણે બોર્ડની પરીક્ષામાં પણ ફેરફાર થયો છે, ધોરણ 12 સામાન્ય પ્રવાહ બોર્ડની પરીક્ષા અને પ્રશ્નપત્રની તારીખમાં સુધારો આવ્યો છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધોરણ 10, ધોરણ 12 ની પરીક્ષા આગામી ફેબ્રુઆરી મહિનામાં શરૂ થશે. ફેબ્રુઆરી મહિનામાં શરૂ થનારી પરીક્ષા નું ટાઈમ ટેબલ બોર્ડ દ્વારા અગાઉ જાહેર કરી દેવામાં આવ્યું હતું,પરંતુ હોળી ધુળેટીની રજાને લઈને 13 માર્ચએ પૂર્ણ થતી પરીક્ષા હવે 17 માર્ચના રોજ પૂરી થશે.
ગુજરાત બોર્ડની ધોરણ 10 અને 12 ની પરીક્ષા 27 ફેબ્રુઆરીથી શરૂ થવાની છે. ધોરણ 12 સામાન્ય પ્રવાહની પરીક્ષા પણ 27 ફેબ્રુઆરીથી જ શરૂ થશે અગાઉ ધોરણ 12 સામાન્ય પ્રવાહની પરીક્ષા 13 માર્ચના રોજ પૂરી થવાની હતી જેમાં હોળી ધુળેટીની રજા 15 માર્ચના બદલે 14 માર્ચ કરવામાં આવી છે જેના કારણે 13 માર્ચના રોજ ધોરણ 12 સામાન્ય પ્રવાહની પરીક્ષા પૂરી થવાની હતી એ હવે 17 માર્ચે પૂરી થશે.
સામાજિક વિજ્ઞાન, ચિત્રકામ અને એગ્રીકલ્ચર સહિતના વિષયની પરીક્ષા છે 12 માર્ચ યોજવાની હતી, જેની જગ્યાએ હવે આ પરીક્ષા 15 માર્ચએ લેવાશે. આ ઉપરાંત 13 માર્ચે ફારસી, સંસ્કૃત સહિતના વિષયોની પરીક્ષા હવે 17 માર્ગે લેવામાં આવશે તેમ બોર્ડ દ્વારા પરિપત્ર સાથે જાહેર કરવામાં આવ્યું છે.
ધૂળેટીની રજા તારીખ 14-03-2025 ના રોજ જાહેર થઈ હોય જેથી હોળી 13-03-2025 ના રોજ ઉજવાશે. ફક્ત ધોરણ-12 સામાન્ય પ્રવાહની પરીક્ષાના કાર્યક્રમમાં ફેરફાર કરવામાં આવ્યો છે. જે મુજબ ધોરણ-12 સામાન્ય પ્રવાહની બોર્ડની પરીક્ષા તા.27-02 થી 17-03 દરમિયાન યોજાશે. આમ ધોરણ-12 સામાન્ય પ્રવાહની પરીક્ષાનો સુધારેલ કાર્યક્રમ બોર્ડની બોર્ડની વેબસાઈટ www.gseb.org ઉપર મૂકવામાં આવેલ છે. જેની નોંધ લાગુ પડતા તમામ વિદ્યાર્થીઓએ, વાલીઓએ તથા શાળાના આચાર્યએ લેવી તેમ એક યાદીમાં જણાવવામાં આવ્યું છે.
ક્યારથી શરૂ થશો બોર્ડની પરીક્ષા વાંચો સંપૂર્ણ કાર્યક્રમ
ધોરણ 10 અને 12 વિદ્યાર્થીઓને ઉપયોગી સમાચારી સામે આવ્યા છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગરની યાદી જણાવ્યું છે કે ધોરણ-10 (SSC), સંસ્કૃત પ્રથમા અને ધોરણ-12(HSC) વિજ્ઞાન પ્રવાહ તથા સામાન્ય પ્રવાહ, ઉચ્ચતર ઉત્તર બનિયાદી પ્રવાહ, વ્યવસાયલક્ષી પ્રવાહ, સંસ્કૃત મધ્યમાના ઉમેદવારોની ફેબ્રુઆરી-માર્ચ-2025માં લેવાનાર મુખ્ય પરીક્ષા તા.27/02/2025 થી તા.17/03/2025 દરમ્યાન યોજાનાર છે. આ પરીક્ષાનો કાર્યક્રમ બોર્ડની વેબસાઇટ www.gseb.org ઉપર મૂકવામાં આવ્યો છે.*
