દારૂ અને જુગારના પાંચ દરોડામાં પીસીબીએ 9ને પકડ્યા

શહેરમાં દારૂ અને જુગારની પ્રવૃતિને અંકુશમાં લાવવા માટે  પીસીબીની ટીમે દારૂ અને જુગારના હાટડાઓ પર ધોંસ બોલાવી એક જ દિવસમાં પાંચ સ્થળોએ દરોડા પાડીને વિદેશી દારૂની 79 બોટલ સાથે 4 શખ્સોને ઝડપી લીધા હતા.જયારે દેશી દારૂ સાથે એક મહીલા અને વરલીના આંકડા લેતા 4 ને ઝડપી લઇ કુલ 9 ની ધરપકડ કરી છે.

વધુ માહિતી મુજબ પીસીબીના ઇન્ચાર્જ પીઆઇ એમ. આર. ગોંડલીયાની સુચનાથી પીએસઆઇ એમ. જે હુણ અને તેમની ટીમે  ખોડીયારનગર શેરી નં રપ માં મોમાઇ ડેરી સામે રહેતા જગદીશ ભુપત ભોજકના ઘરે દરોડો પાડી રૂ. 12400 ની કિંમતના 31 બોટલ વિદેશી દારૂ સાથે જગદીશ ભોજક સાથે હાર્દિક નરેન્દ્ર ભાડજાની ધરપકડ કરી હતી.જયારે 150 ફુટ રીંગ રોડ પર ટવીન્સ ટાવર પાસે નહેરૂનગર તરફ જવાના રસ્તે સેન્ટ્રો કાર નં જીજે 3 કેએચ 3135 માંથી રૂ. 29496 ની કિંમતની 48 બોટલ દારૂ સાથે યુનિવર્સિટી રોડ પર કેવલ કવાર્ટસ બી/37 માં રહેતા મહીપાલસિંહ મહેન્દ્રસિંહ જાડેજા અને નહેરૂનગર શેરી નં 4માં રહેતા શીવાંગ ધર્મેશ સોલંકીની ધરપકડ કરી રૂ. 1.79 લાખનો મુદામાલ કબજે કર્યો છે. રૈયા ધાર ધરમનગર આવાસ યોજના કવાર્ટર પાછળ મફતીયાપરામાંથી દરોડો પાડી 12000 નો દેશી દારૂ બનાવવાનો 600 લીટર આથો તથા 12 લીટર દેશી દારૂ મળી 14000 ના મુદામાલ સાથે રૈયાધારમાં રહેતી વસંતબેન પ્રવિણભાઇ સાડમીયાની ધરપકડ કરી હતી.જ્યારે સામાકાંઠે પાંજરાપોળ પાસેથી અસરફ સુલેમાન રાઉમા અને વનરાજ રણછોડ મોરીને વરલીના આકડા લેતા ઝડપી લીધા હતા.તેમજ સંતકબીર રોડ પર ભગીરથ સોસાયટી શેરી નં 4 માં શકિત ડેરી પાસેથી હર્ષદ ઉર્ફે ડાગલો ખોડીદાસ મહેતા અને ભગવતિ સોસાયટીમાં મુબારસા ઇસ્માઇલસા શાહમદારને વરલીના આકડા લેતા ઝડપી લીધા હતા.