વડોદરામાં રોડ શો દરમિયાન એવું તે શું થયું કે પ્રધાનમંત્રી મોદી અને સ્પેનના PM અચાનક નીચે ઉતરી ગયા ??

દેશના વડાપ્રધાન નરેન્દ્ર મોદી હાલ ગુજરાતના પ્રવાસે છે આ દરમિયાન વડોદરામાં PM મોદી એ વડોદરામાં ભવ્ય રોડ શો કર્યો હતો જેમની સાથે સ્પેનના PM પેડ્રો સાંચેઝનો પણ જોવા મળ્યા હતા. જે બાદ વડોદરામાં એરક્રાફ્ટ નિર્માણના કોમ્પલેક્સનું PM મોદી અને સ્પેનના PMના હસ્તે લોકાર્પણ કરવામાં આવ્યું હતુ. આ પ્રસંગે PM મોદીએ જ જનતા સાથે સીધો સંવાદ કર્યો હતો.

લગભગ સાડા ત્રણ કિલોમીટરનો મેગા રોડ શો

પીએમ મોદીએ વડોદરામાં સ્પેનના વડાપ્રધાન સાથે રોડ શો કર્યો હતો. તેમનો રોડ શો વડોદરા એરપોર્ટથી ટાટા પ્લાન્ટ સુધી લગભગ સાડા ત્રણ કિલોમીટરનો હતો. તેમના રોડ શોને લઈને વડોદરાના લોકોમાં અનેરો ઉત્સાહ જોવા મળ્યો હતો. મોટી સંખ્યામાં લોકો એકઠા થયા હતા. સવારથી જ તેમના રોડ શોના રૂટની બંને બાજુ લોકો તેમને જોવા માટે ઉમટી પડ્યા હતા. લોકો પોસ્ટર અને બેનરો સાથે ઉભા હતા.

વડોદરા પધારેલા ભારતના વડાપ્રધાન નરેન્દ્રભાઇ મોદી અને સ્પેનના વડાપ્રધાન પેડ્રો સાંચેઝને આવકારવા માટે યોજાયેલા રોડ શોમાં દરમિયાન એક સુંદર ઘટના બની, સ્વાગત માટે આવેલી દિવ્યાંગ છાત્રા માટે બન્ને વડાપ્રધાન કાફલા માંથી નિચે ઉતર્યા અને છાત્રાને મળ્યા.

દિયાએ બન્ને વડાપ્રધાનને તેમના ચિત્રોની ફ્રેમ ભેટ આપી હતી. જેને બન્ને મહાનુભાવોએ સહર્ષ સ્વીકારી હતી અને દિયાને શુભકામના આપી હતી. આ વેળા સાંસદ ડો. હેમાંગભાઇ જોશી પણ સાથે રહ્યા હતા.

એમએસ યુનિવર્સિટીમાં અભ્યાસ કરતી વિદ્યાર્થિની દિયા ગોસાઇ ઉત્તમ ચિત્ર કલાકાર છે. તે તેમના પરિજનો સાથે બન્ને વડાપ્રધાનના જાતે દોરેલા ચિત્રોની ફ્રેમ સાથે માર્ગ ઉપર ગોઠવાઇ ગઇ હતી અને મહાનુભાવોના આગમનની આતૂરતા પૂર્વક રાહ જોતી જોવા મળી હતી.
એવામાં રોડ શોનો કાફલો આ તરફથી પસાર થયો અને તેવામાં બન્ને વડાપ્રધાનની નજર આ છાત્રા પર ગઇ હતી. તેથી આ આખો કાફલો રોકી દેવામાં આવ્યો હતો. બન્ને મહાનુભાવો પોતાની ખુલ્લી જીપમાંથી નીચે ઉતર્યા હતા અને આ દિવ્યાંગ છાત્રાને મળવા તેમની પાસે પહોંચી ગયા હતા.