રાજકોટ બાદ હવે સુરતની હોટલને બોમ્બથી ઉડાવવાની ધમકી
રાજકોટની ૧૦ હોટેલમાં બોમ્બ મુકાયાની ધમકી પોક્ળ સાબિત થયા બાદ હવે સુરતની હોટેલમાં બોમ્બ પ્લાન્ટ કરવામાં આવ્યો હોવાની ધમકી મળતા સુરત પોલીસ દોડતી થઇ ગઈ હતી અને ચેકિંગ હાથ ધર્યું હતું. જો કે, સદનસીબે કોઈ વાંધાજનક ચીજવસ્તુ મળી ન હતી. આમ છતાં સમગ્ર શહેરમાં સુરક્ષા વ્યવસ્થા બધું મજબુત કરવામાં આવી છે.
સુત્રોના જણાવ્યા અનુસાર, સુરતની લા મેરેડીયન ફાઇવ સ્ટાર હોટલમાં બૉમ્બ મુકાયાનો ઇ-મેઈલ આવ્યો હતો. ઈમેઈલ મળતા જ સુરત શહેર પોલીસ દોડતી થઈ ગઇ હતી અને હોટલમાં તપાસ શરૂ કરી હતી. ડોગ સ્ક્વોડ અને બૉમ્બ સ્કવોડને પણ બોલાવામાં આવી હતી અને તમામ રૂમની તપાસ કરવામાં આવી હતી.
