ઇઝરાયલની કઈ યોજના ઊંધી વળી ગઈ ? શું થયું ? વાંચો

અમેરિકી ગુપ્ત દસ્તાવેજો લીક ​​થવાને કારણે મોટો ખુલાસો થયો છે. આ દસ્તાવેજોથી બહાર આવ્યું છે કે, ઈઝરાયેલ કઈ મિસાઈલથી ઈરાન પર હુમલો કરવા જઈ રહ્યું હતું. આ મીડિયમ રેન્જની બેલેસ્ટિક મિસાઈલ જેરિકો-2 છે. ઈઝરાયલ આ મિસાઈલથી 16 ઓક્ટોબર 2024ના રોજ હુમલો કરવાની તૈયારીમાં હતું. જો કે આ મિસાઈલમાં પરમાણુ હથિયાર નથી હોતા.

ઈઝરાયેલે પરંપરાગત હથિયાર લગાવીને જેરિકો-2 દ્વારા ઈરાન પર હુમલો કરવાની તૈયારીમાં હતું. ઈઝરાયલ પાસે જેરિકોના ત્રણ વેરિઅન્ટ્સ છે. ત્રણેયની રેન્જ 500, 1500 અને 4800 કિમી છે. ત્રણેય વેરિઅન્ટ અલગ-અલગ સાઈઝ, રેન્જ અને સ્પીડના છે. ત્રણેય હાયપરસોનિક ગતિથી હુમલો કરે છે. એટલે કે ઈરાનની એર ડિફેન્સ સિસ્ટમ તેને રોકી ન શકે.

જેરિકો-2 મિસાઈલને ઈઝરાયલે ત્યારે ડેવલપ કરવાનું શરૂ કર્યું જ્યારે અમેરિકાએ આધુનિક મિસાઈલ વેચવાનો ઈનકાર કરી દીધો. જેરિકો-2 1989થી કાર્યરત છે. તેઈઝરાયલના પરમાણુ હથિયારોના ભંડારમાં સામેલ છે. એવું માનવામાં આવી રહ્યું છે કે આ મિસાઈલને 2026માં ફ્લટથી હટાવી દેવામાં આવશે. એ પણ સંભવ છે કે જો યુદ્ધ થાય તો ઈઝરાયલ તેની મિસાઈલોનો આખો ભંડાર ઈરાન અને તેના દુશ્મનો પર છોડી દે.

ઈઝરાયલની સૌથી શક્તિશાળી મિસાઈલ

જેરીકો-3 એક ઈન્ટરકોન્ટિનેન્ટલ બેલેસ્ટિક મિસાઈલ છે. પરમાણુ હથિયાર લઈ જઈ શકે છે. તે 2011થી ઈઝરાયલની સુરક્ષામાં તહેનાત છે. તેનું વજન 30 હજાર કિલોગ્રામ છે. તે 15.5 મીટર લાંબી છે અને 1300 કિલો વજનના હથિયારને લઈ જઈ શકે છે. તેની રેન્જ 11,500 કિલોમીટર છે.

તેનું વજન 26 હજાર કિલોગ્રામ છે અને તેની લંબાઈ 14 મીટર છે. તેમાં 1000 કિલો વજનનો વોરહેડ લગાવી શકાય છે. તેની રેન્જ 1500થી 2000 કિમી છે. બંને જ મિસાઈલો પરંપરાગત (બિન-પરમાણુ) અને પરમાણુ હથિયાર લઈ જવામાં સક્ષમ છે.