દિવાળી પૂર્વે સોનાનો ભાવ સર્વોચ્ચ સપાટીએ: 80000 નજીક
તહેવાર પછી લગ્નગાળાની ઘરાકીને વધેલા ભાવ અસર પહોંચાડશે:ચાંદી પર પ્રતિ કિલો 92,000ને પાર
દિવાળીના તહેવાર પૂર્વે સોનાનો ભાવ 79000ની સર્વોચ્ચ સપાટીએ પહોંચી જતા હવે માટે સોનું ખરીદવુ મુશ્કેલ બનશે. જ્યારે ચાંદીનો ભાવ પણ 92000 ને પાર થઈ ગયો છે. આગામી દિવસોમાં વરસનો સૌથી મોટો તહેવાર દિપાવલી અને ત્યારબાદ લગ્નગાળાની મોસમ શરૂ થઈ રહી હોવાથી આ સમયમાં સોના ચાંદીના દાગીનાની ખરીદી મોટા પ્રમાણમાં થતી હોય છે પરંતુ સોનાના ભાવ આસમાને પહોંચતા હવે ખરીદીને બ્રેક લાગી ગયો છે.
16 ઓક્ટોબરે સોનું ઓલ ટાઈમ હાઈ સપાટીએ પહોંચ્યું હતું. ઇન્ડિયન બુલિયન એન્ડ જવેલર્સ એસોસિએશનના મત મુજબ, આજે 24 કેરેટ 10 ગ્રામ સોનાનો ભાવ 79000 ને વટાવી ગયો છે. જ્યારે દાગીના ના ભાવ 78,940 નોંધાયા હતા આ ઉપરાંત ચાંદી પણ 92,450 સુધી પહોંચી છે.
દસ મહિનામાં સોનાનો ભાવ 15000 જેટલો વધ્યો છે. વૈશ્વિક ધોરણે ભાવ ઉચકાતા ઘર આંગણે પણ સોનાનો ભાવ ઉચકાયો છે. જેની અસર ઘરેલુ માર્કેટમાં પડશે તેવી સોની વેપારીઓને ભીતિ છે.
આવતા અઠવાડિયેથી તહેવારોની મોસમ શરૂ થઈ રહી છે પુષ્યનક્ષત્ર અને ધનતેરસ પર સોના ચાંદીની શુભ ખરીદી થાય છે. પીળી ધાતુમાં રોકાણ કરનારને સારું રિટર્ન મળ્યું છે, જાન્યુઆરી મહિનામાં સોનાનો ભાવ 63,000 હતો જે અત્યારે દસ મહિના બાદ 80000 નજીક પહોંચી ગયો છે. ચાંદી પણ આ સમયે તો 73000 હતી અને ચાંદીનો ભાવ પણ આજના દિવસે 92000 ને પાર કરી ગયો છે.
