યુપીમાં પોલીસ સાથે ઝપાઝપીમાં કોણ થયું ઠાર ? કોણ હતો વોન્ટેડ ? વાંચો

યુપીમાં ફરીવાર પોલીસે એન્કાઉન્ટર કરીને એક માફિયાને ઠાર કર્યો હતો. પોલીસ સાથે ઝપાઝપીમાં રાજેશ નામનો વોંટેડ માફિયા ઠાર થયો હતો. રવિવારે સવારે આ ઘટના બની હતી. પોલીસે મીડિયાને એવી માહિતી આપી હતી કે માફિયા ઉપર રૂપિયા દોઢ લાખનું ઈનામ હતું.

રાજેશની સામે 50 થી વધુ કેસ દાખલ થયેલા છે અને અનેક સંગીન અપરાધોમાં તે ઘણા સમયથી વોન્ટેડ હતો. પોલીસ તેને ઘણા મહિનાઓથી શોધી રહી હતી. રાજેશની સામે લૂટ, ધાડ, હત્યા અને અપહરણ જેવા અનેક કેસ દાખલ થયેલા છે. ગેંગસ્ટર એક્ટ પણ તેની સામે લગાવાયો હતો.

રવિવારે પોલીસને જોઈને તેણે ભાગવાનો પ્રયાસ કરતાં પોલીસે તેને વોર્નિંગ આપી હતી પણ પોલીસ પર તેણે ગોળીબાર શરૂ કરી દેતાં પોલીસે સ્વબચાવમાં ફાયરિંગ કર્યું હતું જેમાં તે ઠાર થયો હતો. પોલીસે તેને સરેન્ડર થવાની વોર્નિંગ આપી હતી.

અત્રે ઉલ્લેખનીય છે કે 12 મી તારીખે પણ પોલીસે એક નામચીન ભાગેડુ ગુનેગારનું એન્કાઉન્ટર કર્યું હતું અને રવિવારે ફરીવાર રાજેશ નામના ગેંગસ્ટરને ઠાર કર્યો હતો.