રાજકોટમાં 2 મીમી ધોરાજીમાં પોણા બે ઈંચ વરસાદ
રાજકોટ શહેર -જિલ્લામાં મેઘરાજા છેલ્લા રાઉન્ડમાં પણ સટાસટી બોલાવી રહ્યા છે ત્યારે શુક્રવારે સવારે છ વાગ્યાથી સાંજના છ વાગ્યા સુધીમાં રાજકોટમાં 2 મીમી અને ધોરાજીમાં પોણા બે ઈંચ વરસાદ વરસ્યો હતો. જો કે, જિલ્લામાં પડધરી તાલુકાને બાદ કરતા તમામ તાલુકાઓમાં નોંધપાત્ર વરસ્યો હતો.
રાજકોટ જિલ્લા ફ્લડ કંટ્રોલરૃમના સત્તાવાર આંકડા મુજબ શુક્રવારે રાજકોટ શહેરમાં 2 મીમી, જસદણમાં 32 મીમી, જામકંડોરણામાં 21 મીમી, ઉપલેટામાં 24 મીમી, ધોરાજીમાં 42 મીમી, જેતપુરમાં 31 મીમી, કોટડા સાંગાણીમાં 23 મીમી, વિછિયામાં 14 મીમી, લોધીકામાં 5 મીમી, ગોંડલમાં 28 મીમી વરસાદ વરસ્યો હતો જો કે, એક માત્ર પડધરી તાલુકામાં વરસાદ વરસ્યો ન હોવાનું સામે આવ્યું છે.
