ગોંડલ : ગૃહક્લેશથી કંટાળેલા પતિએ પત્ની સામે જ કર્યું અગ્નિસ્નાન 

• ગોંડલના વાછરા ગામનો બનાવ, ગંભીર રીતે દાઝી ગયેલી પત્ની પણ સારવાર હેઠળ

વોઇસ ઓફ ડે, રાજકોટ 

ગોંડલ તાલુકાના વાછરા ગામે દંપતી વચ્ચે ચાલતા ગૃહક્લેશથી કંટાળીને પતિએ પત્ની સામે પોતાના પર  પેટ્રોલ છાંટી આગ ચાંપી દેતા મોત નિપજ્યું હતું. જ્યારે ઘટનામા બચાવવા પતિને બચાવવા ગયેલી પત્ની પણ ગંભીર રીતે દાઝી ગઈ હતી.જેને રાજકોટ સિવિલ હોસ્પિટલમાં સારવાર હેઠળ ખસેડવામાં આવે છે.

માહિતી મુજબ, ગોંડલના વાછરા ગામે રહેતા વિનુભાઈ રવજીભાઈ મકવાણા (ઉં.વ.45) અને શોભનાબેન વિનુભાઈ મકવાણા (ઉં.વ.43) નામના દંપતીને દાજી ગયેલ હાલતમાં રાજકોટ સિવિલ હોસ્પિટલમાં સારવાર અર્થે ખસેડવામાં આવ્યા હતા. અહી ટૂંકી સારવારમાં જ  વિનુભાઈનું મોત નીપજતાં પરિવારમાં શોકનું મોજુ ફરી વળ્યુ હતું. પોલીસની પ્રાથમિક તપાસમાં જાણવા મળ્યા અનુસાર બંને પતિ-પત્ની વચ્ચે અવારનવાર ઝઘડાઓ થતાં હોય જેથી ગૃહકલેશથી કંટાળીને વિનુભાઈએ પોતાની જાતે જ આગ ચાંપી હતી. ઘટનામાં પોતાના પતિને સળગતા જોઈને બચાવવા જતા શોભનાબેન પણ ગંભીર રીતે ઘવાયા હતા. પોલીસે બનાવ અંગે વધુ તપાસ હાથ ધરી છે.