- અમદાવાદમાં અખિલ ભારતીય સંસ્કૃતિ રક્ષક દળે કેન્ડલ માર્ચ કરી નોંધાવ્યો વિરોધ
અમદાવાદ
અમદાવાદમાં નારી ગરિમા, સુરક્ષા અને સન્માનના સંકલ્પ સાથે બળાત્કારીઓ વિરુદ્ધ અને આવી ઘટનાઓ માટે ઉક્સવતા ઓટીટી પ્લેટફોર્મનાં કન્ટેન્ટ સામે કેન્ડલ માર્ચનું આયોજન કરવામાં આવ્યું હતું.
અખિલ ભારતીય સંસ્કૃતિ રક્ષક દળના નેતૃત્વમાં મોટી સંખ્યામાં લોકોએ કેન્ડલ માર્ચમાં ભાગ લીધો, જે તાજેતરમાં કલકતા, આંધ્રપ્રદેશ અને દેશના વિવિધ ભાગોમાં બનેલી જઘન્ય દુષ્કર્મની ઘટનાઓના વિરોધમાં આયોજિત કરવામાં આવી હતી.
આ કેન્ડલ માર્ચનું આયોજન પાલડીના મહાલક્ષ્મી પાંચ રસ્તાથી શરૂ થયું અને ફતેહપુરા, અંજલિ ચાર રસ્તા થઈને ધરણીધર ચાર રસ્તા પર સમાપ્ત થયું. આ દરમિયાન, માર્ગો પર સળગતી મીણબત્તીઓ અને લોકોની આંખોમાં આક્રોશ અને દુઃખનો ભાવ જોવા મળ્યો હતો.
આ કેન્ડલ માર્ચમાં અશ્લીલતા વિરુદ્ધ હુંકાર ઉઠયો હતો.માર્ચ દરમિયાન આયોજિત જનસભામાં વક્તાઓએ મહિલાઓ વિરુદ્ધ થતા અપરાધો પાછળ અશ્લીલ અને વિકૃત સામગ્રીના પ્રસારને મુખ્ય કારણ ગણાવ્યું હતું. .આગેવાનોએ કહ્યું હતું કે, જ્યાં સુધી સમાજમાં આ પ્રકારની અશ્લીલતા અને માનસિક વિકૃતિ ફેલાયેલી રહેશે, ત્યાં સુધી મહિલાઓની સુરક્ષા સુનિશ્ચિત કરવી અસંભવ છે. અશ્લીલ અને વિકારક સામગ્રીના પ્રસારના પાપે સમાજમાં મહિલાઓ અને બાળકો વિરુદ્ધ ગુનાઓ વધી રહ્યા છે. વક્તાઓએ સરકારને સસરા-વહુના – શિક્ષક – વિધાર્થીના- ભાભી – દિઅરના સબંધો વિકૃત રીતે દર્શાવતા – અલ્ટ, ‘ઉલ્લુ’ જેવા પ્લેટફોર્મ પર તાત્કાલિક પ્રતિબંધ મૂકવા અને કોમન પોગ્રામ કોડ ઝડપથી લાગુ કરવાની ઉગ્ર માંગ કરી હતી.
આ ઉપરાંત ભારતીય ન્યાય સંહિતા, સ્ત્રીઓનું અભદ્ર ચિત્રણનો કાયદો અને IT અધિનિયમમાં તાત્કાલિક સુધારાની માંગ કરી, જેથી અશ્લીલ અને વિકારક સામગ્રી સામે કઠોર પ્રાવધાન શામેલ થાય અને આ પ્રકારની હાનિકારક સામગ્રી પ્રકાશિત કરવામાં સંલગ્ન તમામ લોકોને એક્ઝામ્પલી અને કઠોર દંડ લાગુ થાય.
“વર્તમાનમાં OTT અને Social Mediaના કેટલાક પ્લેટફોર્મ્સ, ઉપર આ પ્રકારના કન્ટેન્ટને કારણે લોકો રાત્રિના ૮-૧૦ કલાક સુધી આ ગંદકીમાં ડૂબેલા રહે છે, જેના પરિણામે તેમનું શરીર અને મન બંને ખોખલું થઈ રહ્યું છે. આ કન્ટેન્ટ અભ્યાસ, રોજગારી અને કુટુંબના ધંધાને નષ્ટ કરી રહી છે.”
આ કેન્ડલ માર્ચમાં યુવાનોની ભાગીદારી સૌથી ઉત્સાહજનક હતી. તેઓ શીલ – સંસ્કૃતિ અને સદાચારની રક્ષા માટે સૂત્રોચ્ચાર કરતા, પોસ્ટર લહેરાવતા અને પોતાના જુસ્સાથી સમગ્ર વાતાવરણમાં એક નવી ઉર્જા ભરી રહ્યા હતા.
