સૌથી મોટું સેક્સ સ્કેન્ડલ : અજમેરમાં 100થી વધુ યુવતીઓ સાથે સામૂહિક દુષ્કર્મ કેસના 6 દોષિતોને 32 વર્ષ બાદ મળી આજીવન કેદની સજા
૧૯૯૨ના વર્ષમાં રાજસ્થાનમાં બહુ ચગેલા અજમેરનાં સેક્સ કાંડ અને બ્લેકમેઈલ કેસમાં પોક્સો કોર્ટે છ ગુનેગારોને દોષિત ઠેરવ્યા છે અને તેમને આજીવન કેદની સજા ફટકારી છે. આ ઉપરાંત તમામ છ ગુનેગારોને 30 લાખ રૂપિયાનો દંડ પણ ફટકારવામાં આવ્યો છે આ મામલો મેયો કોલેજની 100થી વધુ વિદ્યાર્થીનીઓ સાથે સંબંધિત છે, જેમને બ્લેકમેલ કરવામાં આવી હતી અને યૌન શોષણ કરવામાં આવ્યું હતું. 32 વર્ષ બાદ આ કેસમાં ચુકાદા સમયે તમામ આરોપીઓ કોર્ટમાં હાજર રાખવામાં આવ્યા હતા.
આરોપીઓએ પ્રખ્યાત મેયો કોલેજની 100થી વધુ વિદ્યાર્થિનીઓના ફોટા પાડીને બ્લેકમેલ કરી હતી. આરોપીઓમાં નફીસ ચિશ્તી, નસીમ ઉર્ફે ટારઝન, સલીમ ચિશ્તી, ઈકબાલ ભાટી, સોહેલ ગની અને સૈયદ ઝમીન હુસૈનનો સમાવેશ થાય છે.
આ કેસમાં કુલ 18 લોકો આરોપી હતા. જેમાંથી 9ને સજા થઈ ચૂકી છે જ્યારે એક આરોપીએ આત્મહત્યા કરી લીધી હતી. વેપારીના પુત્ર પર બળાત્કાર ગુજારવાનો અન્ય એક આરોપી સામે અલગ કેસ ચાલી રહ્યો છે. એક આરોપી હજુ ફરાર છે, જેને કોર્ટે ભાગેડુ જાહેર કર્યો છે. આ કેસમાં 6 આરોપીઓની સુનાવણી આ વર્ષે જુલાઈમાં પૂર્ણ થઈ હતી અને 8મી ઓગસ્ટે ચુકાદો આવવાનો હતો. પરંતુ હવે કોર્ટે પોતાનો નિર્ણય સંભળાવ્યો છે.
શું હતી ઘટના ?
અજમેરની એક ગેંગે સ્કુલ-કોલેજમમાં અભ્યાસ કરી રહેલી લગભગ ૨૫૦ જેટલી વિદ્યાર્થીનીઓના નગ્ન ફોટા મેળવી લીધા હતા અને પછી તેને લીક કરવાની ધમકી આપી ૧૦૦થી વધુ વિદ્યાર્થીની ઉપર દુષ્કર્મ કર્યું હતું. આરોપીઓ ૧૧ થી ૨૦ વર્ષની વિદ્યાર્થીનીઓને ફાર્મહાઉસમાં બોલાવતા હતા અને સામુહિક દુષ્કર્મ કરતા હતા. એક અખબારે આ ભાંડો ફોડ્યો હતો.
