યુપીઆઈ વ્યવહારોમાં શું થયું ? વાંચો

મે મહિનામાં 1,404 કરોડ ટ્રાન્ઝેક્શનના રેકોર્ડ ઉચ્ચ સ્તરને સ્પર્શ્યા પછી, જૂનમાં યુનિફાઇડ પેમેન્ટ્સ ઇન્ટરફેસ યુપીઆઈ વ્યવહારોમાં થોડો ઘટાડો જોવા મળ્યો હતો. નેશનલ પેમેન્ટ્સ કોર્પોરેશન ઓફ ઈન્ડિયા દ્વારા સોમવારે જારી કરાયેલા ડેટા અનુસાર, યુપીઆઈ વોલ્યુમ જૂન 2024માં રૂ. 1,389 કરોડ સુધી પહોંચી ગયું હતું. આ સમયગાળા દરમિયાન રૂ. 20.07 લાખ કરોડના વ્યવહારો જોવા મળ્યા હતા. આ મેની સરખામણીમાં વોલ્યુમમાં 1 ટકા અને મૂલ્યમાં 2 ટકાનો ઘટાડો હતો.

જો કે, જૂન 2023ની સરખામણીમાં, યુપીઆઈ વોલ્યુમમાં 49 ટકા અને મૂલ્યમાં 36 ટકાનો વધારો થયો છે. એપ્રિલ 2016માં યુપીઆઈની શરૂઆત પછી મે 2024માં થયેલા વ્યવહારો વોલ્યુમ અને મૂલ્ય બંનેની દ્રષ્ટિએ સૌથી વધુ હતા.

આઈએમપીએસ વ્યવહાર:
ઈમીડિયન્ટ પેમેન્ટ સર્વિસ ટ્રાન્ઝેક્શન વોલ્યુમ જૂનમાં 51.7 કરોડ હતું, જે મે મહિનામાં 55.8 કરોડથી 7 ટકા ઓછું હતું. મૂલ્યની દ્રષ્ટિએ, આઈએમપીએસ વ્યવહારો જૂનમાં ₹5.78 ટ્રિલિયન (₹5.78 લાખ કરોડ) હતા, જે મેના ₹6.06 ટ્રિલિયનથી 5 ટકા ઓછા હતા. એપ્રિલમાં, યુપીઆઈ 55 કરોડ વોલ્યુમ અને રૂ. 5.92 લાખ કરોડના મૂલ્ય પર હતું. જૂન 2023ની સરખામણીમાં, વોલ્યુમમાં 10 ટકા અને મૂલ્યમાં 15 ટકાનો વધારો થયો છે.

ફાસ્ટેગ વ્યવહાર:
ફાસ્ટેગ વ્યવહારોમાં પણ જૂન દરમિયાન 4 ટકાનો ઘટાડો જોવા મળ્યો હતો, જે મે મહિનામાં 34.7 કરોડથી ઘટીને 33.4 કરોડ થયો હતો. મૂલ્યના સંદર્ભમાં, તે મે મહિનામાં રૂ. 5,908 કરોડથી જૂનમાં 2 ટકા ઘટીને રૂ. 5,780 કરોડ થયો હતો. ફાસ્ટેગ એપ્રિલમાં રૂ. 32.8 કરોડ અને રૂ. 5,592 કરોડ હતો. જૂન 2023 ની સરખામણીમાં, વોલ્યુમમાં 6 ટકા અને મૂલ્યમાં 11 ટકાનો વધારો થયો છે.