કંગના રનૌત-ચિરાગ પાસવાનની કેમેસ્ટ્રી જગજાહેર : વિડીયો થયો વાયરલ
કંગના રનૌત લોકસભા ચૂંટણી ૨૦૨૪માં હિમાચલ પ્રદેશના મંડીથી સાંસદ તરીકે ચૂંટાયા બાદ ચર્ચાનો વિષય છે. તો બીજી તરફ, અભિનેતામાંથી રાજકારણી બનેલા ચિરાગ પાસવાન પણ સંસદમાં લાઈમલાઈટ મેળવવામાં કોઈ કસર છોડી રહ્યા નથી. કંગના રનૌત અને ચિરાગ પાસવાન બંને ફિલ્મી દુનિયા સાથે જોડાયેલા છે અને સારા બોન્ડ શેર કરે છે. જેની ઝલક ફરી એકવાર સંસદની બહાર જોવા મળી છે.
#WATCH | Union Minister Chirag Paswan and BJP MP Kangana Ranaut arrive at the Parliament. pic.twitter.com/ZZZk61z7d0
— ANI (@ANI) June 26, 2024
કંગના રનૌત અને ચિરાગ પાસવાનની વર્ષો જૂની મિત્રતા અને કેમિસ્ટ્રીનો એક નવો વીડિયો સંસદની બહારથી વાયરલ થઈ રહ્યો છે. કંગના રનૌત અને ચિરાગ પાસવાન વચ્ચેની મિત્રતાની એક ઝલક જોવા મળી છે. વીડિયોમાં જોઈ શકાય છે કે કંગના રનૌત અને ચિરાગ પાસવાન સંસદની બહાર મળ્યા હતા. જ્યાં એકબીજાને જોયા બાદ કંગના અને ચિરાગે તરત જ એકબીજાને ગળે મળ્યા હતા. ત્યાર બાદ એકબીજા સાથે વાત કરે છે અને હાથ મીલાવે છે.
તમને જણાવી દઈએ કે, દિવંગત રાજનેતા રામવિલાસ પાસવાનના પુત્ર ચિરાગ પાસવાને વર્ષ ૨૦૧૧માં એક્ટિગથી પોતાના કરિયરની શરૂઆત કરી હતી. ચિરાગ પાસવાનની પહેલી ફિલ્મ ‘મિલે ના મિલે હમ’ હતી જેમાં કંગના રનૌત મુખ્ય અભિનેત્રી હતી. ચિરાગ અને કંગના સિવાય પંજાબી અભિનેત્રી નીરુ બાજવા અને ચક દે ઈન્ડિયા સ્ટાર સાગરિકા ઘાટકે પણ ‘મિલે ના મિલે હમ’માં જોવા મળી હતી. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી.
