નીટ કાંડમાં શું થયા નવા ખુલાસા ? જુઓ

નીટ પેપર લીક કાંડમાં દરરોજ અલગ-અલગ ખુલાસાઓ થઈ રહ્યા છે. આ ખુલાસા વચ્ચે પટનાથી એક વિચિત્ર કિસ્સો સામે આવ્યો હતો. . એવું કહેવામાં આવી રહ્યું છે કે પટનાના ખેમનીચક વિસ્તારમાં લર્ન એન્ડ પ્લે સ્કૂલના મકાનમાલિક સાથે સંબંધિત ઘણી મહત્વપૂર્ણ માહિતી પ્રાપ્ત થઈ છે, જ્યાં ઉમેદવારોને નીટનું પ્રશ્નપત્ર ભણાવવામાં આવ્યું હતું. આ ઘરના માલિક પ્રભાત રંજનની પુત્રીએ પણ એમબીબીએસ કર્યું છે. હવે પ્રશ્ન એ ઊભો થાય છે કે શું આ માત્ર સંયોગ છે કે પછી નીટ પેપર લીક સાથે તેનું મોટું જોડાણ છે.

દરમિયાનમાં નીટ પેપર કાંડમાં હવે રવિ અત્રિ નામના શખ્સનું નામ બહાર આવ્યું છે અને મુખ્ય આરોપી સંજીવ મુખિયા સાથે તેનું કનેક્શન હોવાનું મનાય છે. અત્યાર સુધીમાં આ બારામાં 7 લોકોની ધરપકડ થઈ ચૂકી છે. મુખીયાની તલાશ ચાલુ જ છે. રવિ યુપી પોલીસ ભરતી ગોટાળામાં પણ આરોપી હતો. સંજીવ મુખિયા સાથે તેનું કનેક્શન હોવાની શંકા છે.

આરોપીના સંતાનો એમબીબીએસ
પરીક્ષા માફિયા સંજીવ મુખિયાના પુત્ર ડૉ. શિવે પણ એમબીબીએસ કર્યું છે. નીટ પેપર લીક કેસના આરોપી સિકંદરની પુત્રીએ પણ એમબીબીએસ કર્યું છે. સિકંદર બિહાર સરકારનો સસ્પેન્ડેડ જુનિયર એન્જિનિયર છે. સાથે જ એવી માહિતી પણ સામે આવી છે કે પ્રભાત રંજનની પુત્રીએ પણ એમબીબીએસ કર્યું છે. છેલ્લી 4 રાત્રે 20-25 ઉમેદવારોને ખેમાણી ચક ખાતે પ્રભાત રંજનના ઘરે રાખવામાં આવ્યા હતા

પ્રભાત રંજને મકાન આપ્યું
સૂત્રોનું માનીએ તો સંજીવ મુખિયા નાલંદાના રહેવાસી છે. પ્રભાત રંજન સાથે તેના ગાઢ સંબંધો છે. પોલીસ સૂત્રો એવી પણ માહિતી આપી રહ્યા છે કે સંજીવ રંજન મુખિયાની સૂચનાથી જ પ્રભાત રંજને આશુતોષને ભાડે મકાન આપ્યું હતું. પોલીસ સૂત્રોનું માનવું છે કે પ્રભાત રંજનની ભૂમિકા પણ શંકાસ્પદ રહી છે અને તેની એક વખત પૂછપરછ કરવામાં આવી છે. બીજી તરફ, નીટ પેપર લીક કેસમાં, બિહાર પોલીસ એજન્સી આ કેસના મુખ્ય સૂત્રધાર સિકંદર સામે અપ્રમાણસર સંપત્તિનો કેસ નોંધશે.

તેજસવીના પીએને બોલાવાયો

દરમિયાનમાં આ બારામાં મહત્વની જાણકારી લેવા માટે રાજદના નેતા તેજસ્વી યાદવના પીએ પ્રીતમને નોટિસ આપવામાં આવી હતી અને આર્થિક અપરાધ શાખાએ તેને પૂછપરછ માટે બોલાવ્યો છે. તેની પાસેથી મહત્વની ડિટેલ મળવાની શક્યતા છે. પ્રીતમનાં રોલ અંગે પોલીસને પણ જાણકારી મળી છે.