ઇટાલીમાં વિશ્વનેતાઓને ‘ મોદી મંત્ર ‘
જ્યોર્જિયા મેલોની, ઋષિ સુનક, ઇમેન્યુઅલ મેક્રોન, ઝેલેન્સકી સહિતના નેતાઓ સાથે કરી મંત્રણા
ઇટાલીમાં હાલમાં G7 દેશોના વડાઓની સમિટ ચાલી રહી છે. આ સમિટમાં વિશેષ અતિથી તરીકે ઉપસ્થિત રહેલા વડાપ્રધાન નરેન્દ્ર મોદીએ વૈશ્વિક નેતાઓ સાથે વન-ટુ-વન બેઠક કરી હતી. નરેન્દ્ર મોદીએ આજે પહેલા શેસન પૂર્વ યુક્રેનના રાષ્ટ્રપતિ ઝેલેન્સકી, બ્રિટન પીએમ સુનક અને ફ્રાંસના રાષ્ટ્રપતિ મેક્રોન સાથે મુલાકાત કરી હતી.આ ઉપરાંત ઇટાલીના વડાપ્રધાન જ્યોર્જિયા મેલોની સાથે પણ ચર્ચા કરી હતી. આ મંત્રણા દરમિયાન નરેન્દ્ર મોદીએ વિવિધ મુદ્દે નેતાઓ સમક્ષ પોતાના વિચારો વ્યક્ત કર્યા હતા.
વડાપ્રધાન નરેન્દ્ર મોદીએ શુક્રવારે યુક્રેનના રાષ્ટ્રપતિ વોલોદમીર ઝેલેન્સકી સાથે મુલાકાત કરી હતી. રશિયા-યુક્રેન યુદ્ધ શરૂ થયા બાદ મોદી ઝેલેન્સ્કીને બીજીવાર મળ્યા હતા. આ દરમિયાન મોદીએ કહ્યું હતું કે, રશિયા-યુક્રેન યુદ્ધનો ઉકેલ માત્ર વાતચીત દ્વારા જ લાવી શકાય છે.
ઝેલેન્સ્કી ઉપરાંત મોદી ફ્રાન્સના રાષ્ટ્રપતિ ઈમેન્યુઅલ મેક્રોન અને બ્રિટિશ પીએમ ઋષિ સુનકને પણ મળ્યા છે. તેઓ મોડી સાંજે ઇટાલિયન વડાપ્રધાન જ્યોર્જિયા મેલોનીને પણ મળ્યા હતા. કેથોલિક ચર્ચના વડા અને વેટિકન સિટીના વડા પોપ ફ્રાન્સિસ G7 સમિટ માટે ઈટલી પહોંચ્યા હતા. પોપ વડાપ્રધાન મોદીને પણ મળ્યા હતા.
G7ના સાત દેશો એ વાત પર સહમત થયા છે કે રશિયા સામે યુદ્ધ લડવા માટે યુક્રેનને 50 અબજ ડૉલરની લોન આપવામાં આવશે. કોલેટરલ તરીકે રશિયાની ફ્રીઝ કરવામાં આવેલી સેન્ટ્રલ બેન્કની સંપત્તિઓથી થનારી વ્યાજની કમાણી રાખવામાં આવશે. યુક્રેનને આ વર્ષના અંત સુધીમાં આ નાણાં મળી જશે.
