‘સ્કેમ ૨૦૧૦: ધ સુબ્રત રોય સાગા’ વેબ સિરીઝ લઈને આવી રહ્યા છે હંસલ મહેતા
ટીઝર થયું રિલીઝ: સહારાના સુબ્રત રોયની સ્ટોરી પર આધારિત છે વેબ સિરીઝ
‘સ્કેમ ૧૯૯૨’ અને ‘સ્કેમ ૨૦૦૩’ની જબરદસ્ત સફળતા બાદ હવે દિગ્ગજ ડાયરેક્ટર હંસલ મહેતા સિરીઝની ત્રીજી સિઝન સાથે તૈયાર છે. આ વખતે તે ઓટીટીની દુનિયામાં સુબ્રત રોયની સ્ટોરી લઈને આવ્યા છે. હંસલ મહેતાએ ગુરુવારે સ્કેમની નવી સિઝન ‘સ્કેમ ૨૦૧૦:ધ સુબ્રત રોય સાગા’ની જાહેરાત કરી દીધી છે.
હંસલ મહેતાએ સ્કેમ ૨૦૧૦:ધ સુબ્રત રોય સાગાની જાહેરાત કરતાં પોસ્ટ શેર કરી હતી અને લખ્યું હતું કે, Sc3m પાછી આવી રહી છે. જલ્દી જ સોની લીવ ઈન્ડીયા પર. સુબ્રત રોય દેશની એવી હસ્તીઓમાંથી છે કે જે ૯૦ના દશકામાં ભારતના જાણીતા બિઝનેશમેન કહેવાતા હતા. તે સહારા સમૂહના સંસ્થાપક હતા. આ તે સમય હતો જ્યારે સહારાનો વ્યાપાર ચીટફંડ થી લઈને ટીમ ઇન્ડિયાની સ્પોન્સરશીપ, ન્યૂઝ-મીડિયા સુધી ફેલાયેલો હતો. જો કે, સહારા શ્રીના નામથી જાણીતા સુબ્રત રોયને ત્યારે ઝટકો લાગ્યા જ્યારે રોકાણકારો સાથે દગાબાજીને કારણે એમની ધરપકડ કરવામાં આવી.
મહત્વનું છે કે, ખૂબ જ જાણીતી વેબ સિરીઝ સ્કેમની ત્રીજી સિઝનની સ્ટાર કાસ્ટને લઈને કોઈ જાહેરાત કરવામાં આવી નથી. જ્યારે દર્શકો એ જાણવા ખૂબ જ ઉત્સુક છે કે, સ્કેમ ૨૦૧૦: ધ સુબ્રત રોય સાગામાં લીડ સ્ટાર કાસ્ટ કેવી હશે?
