જમ્મુ -કાશ્મીરમાં વડાપ્રધાને શું કહ્યું ? જુઓ

રાજ્યના દરજ્જા અંગે શું કહ્યું ?

વડાપ્રધાને લોકસભા ચુંટણી માટેનો પ્રચાર ઝડપી બનાવીને શુક્રવારે જમ્મુ કાશ્મીરની મુલાકાત લીધી હતી. જમ્મુના ઉધમપુરમાં રેલીને સંબોધિત કરતી વખતે મોદીએ વિપક્ષ પર આકરા પ્રહારો કર્યા હતા. વિપક્ષી પાર્ટીઓની ટીકા કરતા કહ્યું હતું કે તેઓ કહેતા હતા કે 370 હટાવો તો આગ લાગશે પરંતુ જમ્મુ-કાશ્મીરના યુવાનોએ તેમને અરીસો બતાવ્યો. કાશ્મીરની પાર્ટીઓ રાજ્યને જૂના દિવસોમાં લઈ જવા માંગે છે.

તેમણે અહીં કામ ન કર્યું, ત્યારે જમ્મુ-કાશ્મીરના લોકોને તેમની વાસ્તવિકતા ખબર પડી, તો આ લોકો હવે જમ્મુ-કાશ્મીરની બહાર દેશના લોકોમાં ભ્રમ ફેલાવવાની રમત રમી રહ્યા છે. તેમનું કહેવું છે કે કલમ 370 નાબૂદ થવાથી દેશને કોઈ ફાયદો થયો નથી.

મોદીએ કહ્યું કે જમ્મુ-કાશ્મીરને રાજ્યનો દરજ્જો પાછો મળશે. એ સમય દૂર નથી જ્યારે જમ્મુ-કાશ્મીરમાં પણ વિધાનસભાની ચૂંટણી યોજાશે. તમે તમારા ધારાસભ્યો, તમારા મંત્રીઓ સાથે તમારા સપના શેર કરી શકશો.

10 વર્ષમાં જમ્મુ-કાશ્મીર સંપૂર્ણપણે બદલાઈ ગયું છે. રસ્તા, વીજળી, પાણી, પ્રવાસ, સ્થળાંતર, આ બધું છે. પરંતુ સૌથી મોટી વાત એ છે કે જમ્મુ-કાશ્મીરે પોતાનો વિચાર બદલી નાખ્યો છે. નિરાશામાંથી આશા તરફ આગળ વધ્યા છે, જીવન સંપૂર્ણ વિશ્વાસથી ભરેલું છે. આટલો વિકાસ અહીં થયો છે, દરેક જગ્યાએ વિકાસ થઈ રહ્યો છે. હવે ચુંટણીમાં આતંકવાદ કે પથ્થરબાજી મુદ્દા નથી અને આવી આ પહેલી જ ચુંટણી છે.

વડાપ્રધાને કહ્યું કે હવે અહીં શાળાઓ બાળવામાં આવતી નથી, પરંતુ શાળાઓને શણગારવામાં આવે છે. હવે અહીં એઇમ્સ બની રહી છે, આઈઆઈટી બની રહી છે, આઇઆઇએમ બની રહી છે. હવે આધુનિક ટનલ, આધુનિક પહોળા રસ્તા, ઉત્તમ રેલ યાત્રા જમ્મુ-કાશ્મીરનું ભાગ્ય બની રહી છે. પીએમ મોદીએ કહ્યું કે આ ચૂંટણી માત્ર સાંસદોને ચૂંટવાની નથી પરંતુ દેશમાં મજબૂત સરકાર બનાવવાની ચૂંટણી છે અને જ્યારે સરકાર મજબૂત હોય છે ત્યારે તે મેદાન પરના પડકારો વચ્ચે પણ સારું પ્રદર્શન કરે છે.