CBSEમાં ધો. ૩ થી ૬ માટે બદલાઈ રહ્યો છે સિલેબસ…વાંચો..
પહેલી એપ્રિલથી શરુ થતા નવા શૈક્ષણિક વર્ષથી નવા પાઠ્યપુસ્તકો આવશે
સેન્ટ્રલ બોર્ડ ઓફ સેકન્ડરી એજ્યુકેશન દ્વારા વિવિધ ધોરણોના અભ્યાસ ક્રમોમાં ધરમૂળથી ફેરફાર કરવામાં આવ્યો છે.નવા વર્ષથી સિલેબસમાં ફેરફાર કરવામાં આવ્યો છે અર્થાત નવા શૈક્ષણિક વર્ષથી નવા પાઠયપુસ્તકો અમલમાં આવી રહ્યા છે. CBSEમાં ધોરણ ત્રણથી છ માટે પહેલી એપ્રિલથી નવો અભ્યાસક્રમ અમલી કરવામાં આવશે.
નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (એનસીઈઆરટી) ત્રણથી છ ધોરણ માટે નવો અભ્યાસક્રમ અને પાઠયપુસ્તકો ૨૦૨૪-૨૫ના શૈક્ષણિક વર્ષથી જારી કરશે. બીજા ધોરણોના અભ્યાસક્રમ અને પાઠયપુસ્તકો નહીં બદલાય. નવા શૈક્ષણિક વર્ષનો પ્રારંભ પહેલી એપ્રિલથી થાય છે, એમ સીબીએસઇએ તેની સ્કૂલોને પણ જણાવી દીધું છે. અન્ય ધોરણોનો સિલેબસ અને પાઠ્યપુસ્તક નહીં બદલાય. નવા શૈક્ષણિક વર્ષનો પ્રારંભ પહેલી એપ્રિલથી થાય છે, એમ સીબીએસઈએ જણાવ્યું હતું.
એનસીઇઆરટીએ સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઈ)ને ત્રણથી છ ધોરણના નવા અભ્યાસક્રમ અને પાઠ્યપુસ્તકો અંગે જણાવી દેવાયું છે. તેને ટૂંક સમયમાં જારી કરાશે. સીબીએસઇએ તેની સ્કૂલોને પણ જણાવી દીધું છે. સીબીએસઈના એકેડેમિક ડિરેક્ટર જોસેફ ઈમેન્યુઅલે જણાવ્યું હતું કે તેના પરિણામે સ્કૂલોને સલાહ આપવામાં આવી છે કે તેણે ત્રણથી છ ધોરણ માટે નવા અભ્યાસક્રમ મુજબ એનસીઈઆરટીએ દ્વારા પ્રકાશિત પુસ્તકોને અનુસરે.
એનસીઈઆરટી દ્વારા ક્લાસ છ માટે બ્રિજ સોર્સ અને ક્લાસ ત્રણ માટે વિકસાવવામાં આવેલી ગાઇડલાઇન્સને અનુસરે જેથી વિદ્યાર્થીઓ જૂનાથી નવા અભ્યાસક્રમમાં સરળતાથી ટ્રાન્સફર થઈ શકે. નવા અભ્યાસક્રમ સાથે જોડાઈ શકે તેવી ઘણી પદ્ધતિઓ ૨૦૨૩ દરમિયાન વિકસાવવામાં આવી છે. એનસીઈઆરટી પાસેથી ગાઈડલાઈન્સ મળ્યા પછી બધી સ્કૂલોમાં તેને પ્રસારિત કરી દેવાશે.
