મતદાર જાગૃતિ માટે 24.50 લાખની ગ્રાન્ટ ફાળવતું ચૂંટણીપંચ
રાજકોટ જિલ્લાની તમામ સાત બેઠક માટે 3.50 લાખની ગ્રાન્ટ અપાઈ
રાજકોટ : લોકસભા ચૂંટણીમાં વધુને વધુ મતદારો જાગૃત બની મતદાન કરે તે માટે જિલ્લા ચૂંટણી તંત્રને મતદાર જાગૃતિ માટે વિવિધ કાર્યક્રમો યોજવા ચૂંટણીપંચ દ્વારા 24.50 લાખ રૂપિયાની ગ્રાન્ટ ફાળવવામાં આવી છે.
રાજકોટ જિલ્લા ચૂંટણી અધિકારી પ્રભવ જોશીએ જણાવ્યું હતું કે ચૂંટણીપંચ દ્વારા મતદાર જાગૃતિ માટે સ્વીપ અંતર્ગત કુલ રૂપિયા 24.50 લાખની ગ્રાન્ટની ફાળવણી કરી છે જે અંતર્ગત રાજકોટ લોકસભા બેઠકમાં સમાવિષ્ઠ સાત વિધાનસભા બેઠકો માટે 3.50 લાખ લેખે મતદાર જાગૃતિ માટે વિવિધ કામગીરી કરવામાં આવશે, વધુમાં ચૂંટણીપંચ દ્વારા સ્વીપની કામગીરી માટે ડેપ્યુટી કલેકટર જિજ્ઞાસા ગઢવીની નિમણુંક પણ કરવામાં આવી હોવાનું તેમને જણાવ્યું હતું.
