રાહ જોવાનો ટાઈમ ક્યાં ?: ૧ મિનિટમાં તૈયાર થતાં જંગલી ઝટપટ’, ‘ઈટાલિયન વોલ્વો’ ખવાય છે ‘બંબાટ’

મેગી બનતા ૨ મિનિટ લાગે ત્યારે રાજકોટીયન્સે તેમાં પણ કાપ મુકી ૬૦ સેક્નડમાં તૈયાર થતી વાનગી શોધી

સ્પેશ્યલ બન, ડુંગળી-ટમેટા-કેપ્સીકમનું મિશ્રણ’ને ચીઝ-માયોનિઝના ઢગલાથી
જંગલી ઝટપટ' તોપોકાસીયા બન’માં વેજિટેબલ્સને ગોઠવીને તૈયાર થાય છે `ઈટાલિયન વોલ્વો’

રાજકોટ ખાણીપીણીનો ભંડાર બની ગયું છે અને અહીં એવી કોઈ વાનગી નહીં હોય જે ઈટાલી-સ્પેનમાં મળતી હોય’ને અહીં ન મળે ! વળી, મળે છે એટલે ભરપૂર ખવાય પણ રહી છે. અત્યારનો યુગ એકદમ ઝડપી બની ગયો છે એટલા માટે લોકો ફટાફટ તૈયાર થઈ જાય એવી વાનગીઓ ખાવા ઉપર વધુ ભાર આપી રહ્યા હોય છે. હવે તમે કહેશો કે ફટાફટ બની જાય એવી વાનગીમાં મેગી સિવાય બીજું તો વળી એવું શું છે કે ઝડપથી તૈયાર થઈ જાય ? આ વાતનો પહેલો જવાબ એ છે કે મેગીને તૈયાર થતાં ૨ મિનિટ લાગે છે ત્યારે રાજકોટમાં એવી બે વાનગી વર્ષોથી ધૂમ મચાવી રહી છે જેનું નામ છે જંગલી ઝટપટ' અનેઈટાલિયન વોલ્વો’…બીજો જવાબ એ છે કે આ બન્ને મેગી કરતા પણ અડધોઅડધ સમય મતલબ કે એક જ મિનિટમાં તૈયાર થઈ જાય છે !!

આમ તો આ બન્ને વાનગીનું નામ જ વિચિત્ર' હોવાથી લોકોને ઝટ દઈને ગળે ન ઉતરે તે વાત સ્વાભાવિક છે પરંતુ જાણીને આશ્ચર્ય થશે કે આ બન્ને અત્યારે શહેરમાંબંબાટ’ ખવાઈ રહ્યા છે. ભલે આ વાનગી ઝાપટવા માટે લાઈન ન લાગતી હોય પરંતુ જેટલી ઝડપથી તૈયાર થાય છે એટલી સરળતાથી તે મળી પણ જાય એ શક્ય નથી કેમ કે જંગલી ઝટપટ અને ઈટાલિયન વોલ્વોને ખાવા માટે આખો દિવસ લોકો ઉમટેલા જ હોય છે !

જંગલી ઝટપટ' અનેઈટાલિયન વોલ્વો’ની શોધ' કરનારા મારડીયા ફાસ્ટફૂડના ભૂમેશભાઈ (લાલભાઈ) જણાવે છે કે તેઓ છેલ્લા ૧૨ વર્ષથી આ બન્ને સહિત અનેકએક્સક્લુઝિવ’ વાનગીઓનો ટેસ્ટ લોકોને કરાવી રહ્યા છે. તેમનો દાવો છે કે જંગલી ઝટપટ' અનેઈટાલિયન વોલ્વો’ એકમાત્ર તેમને ત્યાં જ ઉપલબ્ધ છે અને આ તેમની મોનોપોલી છે. જંગલી ઝટપટ' વિશે તેમણે કહ્યું કે આ વાનગી સ્પેશ્યલ બન (ખાસ બ્રેડ)માં ડુંગળી-ટમેટા-કેપ્સીકમ સહિતના વેજિટેબલના મિશ્રણ તેમજ ચીઝ-માયોનિઝના ઢગલાથી તૈયાર થાય છે. આવી જ રીતેઈટાલિયન વોલ્વો’ સ્પેશ્યલ પોકાસિયા બનમાં વિવિધ વેજિટેબલ્સને મીક્સ કરીને બનાવવામાં આવે છે. ઈટાલિયન વોલ્વોની બ્રેડ બેકરીમાં અલગથી તૈયાર કરાવવામાં આવે છે.

ખાસ વાત એ છે કે આ બન્ને વાનગી એક જ મિનિટમાં તૈયાર થઈ જતી હોવાથી લોકોને વધુ રાહ જોવી પડતી નથી અને તેઓ ફટાફટ તેનો આસ્વાદ માણી શકે છે. તેમણે અંદાજ વ્યક્ત કરતા કહ્યું કે દરરોજ ૫૦૦થી વધુ લોકો તેમની આ સ્પેશ્યલ વાનગીને દાબી જાય છે !

જંગલી ઝટપટ' નામ કેવી રીતે પડ્યું ? ભૂમેશભાઈ જણાવે છે કેજંગલી ઝટપટ’ નામ મારા ભેજાની જ ઉપજ છે. એક તો તેમાં તમામ પ્રકારનું વેજિટેબલ જેમાં ખાસ કરીને કેપ્સીકમ વપરાય છે જે જંગલમાંથી પણ મળી આવે છે એટલા માટે પહેલો શબ્દ જંગલી' અને બીજું એ કે ફટાફટ તૈયાર થઈ જતી હોવાથી બીજો શબ્દઝટપટ.’ આમ આ બન્ને શબ્દ ભેગા કરીએ એટલે `જંગલી ઝટપટ’ નામ મળતાં જ વાનગીનું નામ જંગલી ઝટપટ રાખવાનું નક્કી કર્યું હતું.

શહેરમાં એક જ જગ્યાએ બન્ને વાનગી મળી રહ્યાનો તથા ખાવામાં-પચવામાં અત્યંત સહેલી હોવાનો દાવો

ટૂંક સમયમાં બન્ને નામ બની જશે `ટે્રડમાર્ક’
જંગલી ઝટપટ અને ઈટાલિયન વોલ્વોનું નામ ટૂંક સમયમાં ટે્રડમાર્ક બની જશે મતલબ કે આ બન્ને નામનો મારડીયા ફાસ્ટફૂડ સિવાય બીજા કોઈ જ ઉપયોગ કરી શકશે નહીં. આ અંગે ભૂમેશભાઈએ કહ્યું કે બન્ને નામ મેં શોધ્યા હોવાથી બીજું કોઈ તેના નામે વાનગી વેચે તે કેવી રીતે ચાલે ?

બન્ને વાનગીનો આસ્વાદ ક્યાં માણી શકશો ?
પંચવટી મેઈન રોડ, અતિથિ ચોક, `મારડીયા ફાસ્ટફૂડ’, સવારે ૧૦થી રાત્રે ૧૦ સુધી, ભાવ: જંગલી ઝટપટ ૫૦ રૂપિયા, ઈટાલિયન વોલ્વો ૮૦ રૂપિયા

નાના બાળકથી લઈ મોટેરા સૌને પ્રિય…
અનોખી વાનગી એવી જંગલી ઝટપટ-ઈટાલિયન વોલ્વો નાના બાળકથી લઈ મોટેરા સુધીના સૌને પ્રિય છે. હવે તો નાનું બાળક જંગલી ઝટપટ નામ સાંભળે એટલે તુરંત જ તેને ખાવા માટે લલચાય છે તો મોટેરાઓ પણ નાસ્તામાં ગણાતી આ બન્ને વાનગીની એકાદ-બે પ્લેટ તો આરામથી દાબી જતા હોય છે ! આ ઉપરાંત સ્કૂલ-કોલેજના વિદ્યાર્થીઓમાં અત્યારે આ બન્નેને લઈને ગજબનો ક્રેઈઝ જોવા મળી રહ્યો છે.

ઈટાલિયન વોલ્વો' નામ કેવી રીતે પડ્યું ?

અત્યારે રાજકોટ સહિત આખા ભારતમાં વોલ્વો બસમાં મુસાફરી કરવાનો ટે્રન્ડ ખાસ્સો જોવા મળી રહ્યો છે. આ બસમાં બેસવાનો અનુભવ આહ્લાદક હોય છે મતલબ કે તેને લકઝરીયસ ગણવામાં આવે છે ત્યારેઈટાલિયન વોલ્વો’ને પણ ભૂમેશભાઈ લકઝરી વાનગી ગણે છે. તેમના મતે `ઈટાલિયન વોલ્વો’ ખાધાં બાદ લોકોને વોલ્વો બસમાં બેઠા હોય તેવો અનુભવ થશે, થશે અને થશે જ…!

દરરોજ ૭૦૦થી વધુ જંગલી ઝટપટ ઇટાલિયન વોલ્વો દાબી જાય છે સ્વાદ શોખિનો: તમે ટેસ્ટ કર્યો ?

ચીઝ તવા સેન્ડવિચ, પોટેટો ચીઝ સોર્ટસ, ચીઝ ફિંગર સ્ટિકનો પણ ટે્રન્ડ
જંગલી ઝટપટ-ઈટાલિયન વોલ્વો ઉપરાંત મારડીયા ફાસ્ટફૂડમાં ચીઝ તવા સેન્ડવિચ, પોટેટો ચીઝ સોર્ટસ, ચીઝ ફિંગર સ્ટિક, ચીઝ ચીલ્લી વડાપાંઉ સહિતની અનેક વાનગીઓ એવી છે જે રાજકોટમાં અન્ય સ્થળે બહુ ઓછી જોવા મળે છે એટલા માટે લોકો આ `નવીન’ વાનગીઓ ખાવા માટે ખાસ અહીં આવી પહોંચે છે અને એકાદ-બે ડીશ તો જરૂર ઝાપટી જ જાય છે !

દુકાન પર ખાનારાની ભીડ, સાથે સાથે ઢગલામોઢે થાય છે પાર્સલ
જંગલી ઝટપટ-ઈટાલિયન વોલ્વોનો ક્રેઈઝ રાજકોટીયન્સમાં એટલો બધો છે કે સવારે ૧૦થી રાત્રે ૧૦ સુધીમાં તેને બનાવનારા નવરાં પડતાં જ નથી. ખાસ કરીને દુકાન પર જઈને ખાનારા સ્વાદશોખીનોની સંખ્યા તો એટલી છે જ સાથે સાથે ઢગલામોઢે પાર્સલ પણ થઈ રહ્યા છે મતલબ કે અનેક લોકો પોતાના ઘર કે ઓફિસે લઈ જઈને આ બન્ને વાનગીની જ્યાફત ઉડાવી રહ્યા છે. બીજી બાજુ એક જ જગ્યા પર આ વાનગી ઉપલબ્ધ હોવાને કારણે લોકો દૂર દૂરથી તેને શોધતાં શોધતાં આવતા હોવાનું ભૂમેશભાઈ (લાલાભાઈ) જણાવી રહ્યા છે. ખાસ કરીને બાળકોના લંચ બોકસમાં પણ હવે આ વાનગી પાર્સલ થવા લાગી છે.