મવડીમાં સ્ક્રેપના વેપારીના બંધ મકાનમાંથી રૂ.1.40 લાખની ચોરી
ચોરી કરનાર બે શખ્સો સીસીટીવીમાં કેદ થતાં પોલીસ દ્વારા શોધખોળ
મવડી વિસ્તારમાં આવેલી બી.ડી.કામદાર સોસાયટીમાં રહેતા સ્ક્રેપના વેપારીના બંધ મકાનમાં તસ્કરો ત્રાટકયા હતા. રૂ.1.40 લાખની મત્તા ચોરી જતાં પોલીસ ફરિયાદ નોંધાઈ હતી. બે તસ્કર સીસીટીવીમાં કેદ થયા છે.
મવડી પોલીસ હેડ કવાટર્સની પાછળ બી.ડી.કામદાર સોસાયટી શેરી નં.2, શિવમ પાર્કની બાજુમાં રહેતા અને નાનામવા ભીમનગર ખાતે શક્તિ નામનો ભંગારનો ડેલો ધરાવતા સ્ક્રેપના વેપારી જયદીપ હમીર ચૌહાણ રાજસ્થાન ગયા બાદ પરત આવતા ચોરીની જાણ થઈ હતી. દરવાજાનો નકુચો તુટેલ હાલતમાં નીચે પડેલ હતો. ઘરમાં જઈ તપાસ કરતા કબાટમાં ખાનામાં મુકેલ દગીના અને રોકડા રૂ.50,000 મળી કુલ રૂ.1.40 લાખની ચોરી થઈ હોવાનું જાણવા મળ્યું હતું ઘરના સીસીટીવી જોતા બે શખ્સ દેખાયા હતા. મળેલ. તાલુકા પોલીસે વધુ તપાસ શરૂ કરી છે.
