૯ એરક્રાફ્ટે સ્ટેડિયમ ઉપર બનાવ્યો તીરંગો: સૂર્યકિરણે’ દુનિયાને બતાવીતાકાત’
અમદાવાદના નરેન્દ્ર મોદી સ્ટેડિયમ પર ઈતિહાસ રચાઈ ગયો છે. વન-ડે વર્લ્ડકપના ફાઈનલ મુકાબલાનો ટોસ થયા બાદ આકાશમાં એર-શોનો ગજબ નજરો જોઈ લોકો દંગ રહી ગયા હતા. આ દરમિયાન `સૂર્યકિરણ ટીમ’ના પ્લેનમાં અલગ-અલગ ફોર્મેશન બનાવીને આકાશમાં કરતબ બતાવ્યા હતા. સ્ટેડિયમમાં બેઠેલા દરેક શખ્સે આ ક્ષણને પોતાના કેમેરામાં કેદ કરી હતી સાથે સાથે લોકો ખુશીથી ઝૂમી ઉઠ્યા હતા. ભારતીય વાયુસેનાના સૂર્યકિરણ વિમાને અમદાવાદ એરપોર્ટ પરથી ઉડાન ભરી અને વર્ટિકલ ફોર્મેશનમાં એર સેલ્યુટ આપીને નરેન્દ્ર મોદી સ્ટેડિયમ ઉપર ચક્કર લગાવ્યા હતા. આવું આઈસીસી ઈવેન્ટના ઈતિહાસમાં પહેલીવાર બન્યું છે જ્યારે એર-શો જેવી ખાસ વ્યવસ્થા ફાઈનલમાં કરવામાં આવી હોય. સોશ્યલ મીડિયા પર આ એર-શોનો વીડિયો આગની જેમ વાયરલ થયો હતો.
