વિજયા દશમીએ શસ્ત્ર અને અશ્વ પૂજન
આસુરી શક્તિ ઉપર વિજયનું પર્વ એટલે દશેરા રાજકોટમાં વિજયા દશમીનો તહેવાર ઉજવવામાં આવ્યો હતો. ધાર્મિક પરંપરા મુજબ પોલીસ હેડક્વાર્ટર ખાતે શસ્ત્રોનું પૂજન કરવામાં આવ્યું હતું. જેમાં પોલીસ કમિશનર રાજુ ભાર્ગવ, અધિક પોલીસ કમિશનર વિધી ચૌધરી, ડીસીપી પાર્થરાજસિંહ ગોહિલ, ડીસીપી પુજા યાદવ, ડીસીપી સજ્જનસિંહ પરમાર અને ડીસીપી સુધીરકુમાર દેસાઇ તમામ એસીપી અને શહેરના તમામ પોલીસ સ્ટેશનના પી.આઈ સહિતનો સ્ટાફ ઉપસ્થિત રહ્યો હતો. તેમજ રાજકોટના માઉન્ટેડ પોલીસ યુનિટ અને આર. ડી. ઝાલા હોર્સ રાઇડિંગ ક્લબ દ્વારા અશ્વ પૂજન તેમજ શસ્ત્ર પૂજન કરવામાં આવ્યું હતું. રાજકોટ માઉન્ટેડ પોલીસ યુનિટના પી. આઈ યુવરાજસિંહ સરવૈયા સહિતના માઉન્ટેડ પોલીસ યુનિટના જવાનો ખાસ ઉપસ્થિત રહ્યા હતા.
