નેતા અનામલાઈની ભારે ટીકા, એક સવાલ પર ભડકી ગયા હતા, પછી ચોખવટ કરતાં રહ્યા
ચુંટણી આવતા જ નેતાઓ બેફામ બની રહ્યા છે અને પરાક્રમો ચાલુ જ રહ્યા છે. તમિલનાડુ ભાજપના અધ્યક્ષ કે.અન્નામલાઈ સતત વિવાદોમાં રહે છે. આ વખતે તેમણે એક મહિલા રિપોર્ટર સાથે એવું વર્તન કર્યું કે જેના કારણે તેમની ચોતરફી ટીકા થઈ રહી છે.
મહિલા રિપોર્ટરે અન્નામલાઈને ભાજપ સંબંધિત એક સવાલ કર્યો હતો જેના પર તે ભડકી ગયા અને તેમણે મહિલા રિપોર્ટર ને ફટકાર લગાવી હતી. તેમની આ હરકતની કોઈમ્બતૂર પ્રેસ ક્લબે આકરી ટીકા કરી હતી. જોકે વિવાદ વધતાં અન્નામલાઈ સફાઈ આપવા મજબૂર થયા હતા.
અહેવાલ અનુસાર એક મહિલા રિપોર્ટરે અન્નામલાઈને સવાલ કર્યો હતો કે જો તે ભાજપના તમિલનાડુ અધ્યક્ષ ન હોત તો શું તે પાર્ટીમાં ટક્યા હોત? આ સવાલ સાંભળીને અન્નામલાઈ નારાજ થઇ ગયા અને તેમણે રિપોર્ટરને પૂછી લીધું કે તમારી મારી પાસે આવીને બેસી જવું જોઈએ જેથી ટીવી પર જે પણ વ્યક્તિ તેમને જોઈ રહી છે તેને ખબર પડે કે આ સવાલ કોણે કર્યો છે? તેઓ સતત મહિલા રિપોર્ટરને પોતાની પાસે આવીને બેસી જવા દબાણ કરતા રહ્યા હતા.
સવાલ પૂછવાની એક રીત હોય છે. 8 કરોડ લોકોને એ ખબર હોવી જ જોઈએ કે આખરે આ શાનદાર સવાલ કોણે કર્યો છે? ભાજપ નેતાના વારંવાર દબાણ સામે મહિલાના સાથી રિપોર્ટરોએ તેમનો બચાવ કરવાનું ચાલુ રાખ્યું હતું.
