DLFનાં સુપર લકઝરીયસ પ્રોજેક્ટ ‘ધ ડાહલિયાસ’ માં પ્રતિ ચોરસ ફૂટ ૨.૬૦ લાખ રૂપિયામાં થયું વેંચાણ
ગુરુગ્રામ: ઈમ્પિરીયલ ઓટો સાથે સંકળાયેલા ઉદ્યોગપતિ માનવ સરદાનાએ ગુરુગ્રામમાં ડી.એલ.એફનાં લક્ઝરી પ્રોજેક્ટ “ધ ડાહલિયાસ”માં એક પેન્ટહાઉસ ૨૭૧ કરોડ રૂપિયામાં ખરીદ્યુ છે. પ્રતિ ચોરસ ફૂટના હિસાબે આ પેન્ટહાઉસનો સોદો દેશના સૌથી મોંઘા સોદા તરીકે માનવામાં આવે છે.
‘ધ ડાહલિયાસ’ પ્રોજેક્ટમાં ૨૯-૨૯ માળના આઠ ટાવર છે અને આ ટાવરમાં કુલ ૪૨૦ એપાર્ટમેન્ટ છે. આ સુપર લક્ઝરી પ્રોજેક્ટની કુલ કિંમત ૪૦ હજાર કરોડથી પણ વધુ છે.
અહેવાલો અનુસાર, આ પેન્ટહાઉસનો સુપર બિલ્ટઅપ એરિયા 17,200 ચોરસ ફૂટ અને કાર્પેટ એરિયા 10,500 ચોરસ ફૂટ છે. આનો અર્થ એ થાય કે સુપર બિલ્ટઅપ એરિયા માટે પ્રતિ ચોરસ ફૂટ આશરે ₹1.58 લાખ અને કાર્પેટ એરિયા માટે પ્રતિ ચોરસ ફૂટ આશરે ₹2.6 લાખની કિંમત છે.
આ પણ વાંચો: લાલ કિલ્લાની સુરક્ષા અભેદ્ય: જંતર-મંતરની હિંસા પછી પોલીસ વધુ સતર્ક
દેશમાં મુંબઈમાં વર્લી જેવા સ્થળોએ પ્રતિ ચોરસ ફૂટના ૨ લાખ રૂપિયાથી વધુની કિંમતના સોદા થયા છે અને અહી ગુરુગ્રામમાં પ્રતિ ચોરસ મીટરના ૨.૬૦ લાખ રૂપિયામાં સોદો થયો છે. ‘ ધ ડાહલિયાસ’ પહેલા ડી.એલ.એફ.નાં જ અન્ય પ્રોજેક્ટ ‘ધ કેમેલીયાસ’માં એક ઉદ્યોગપતિ ઋષિ પર્ટીએ ૧૬,૨૯૦ ચોરસ ફૂટનું પેન્ટહાઉસ ખરીદ્યું હતું. આ પેન્ટ હાઉસનો સોદો કાર્પેટ એરિયાના પ્રતિ ચોરસ ફૂટના ૧.૮૦ લાખ પ્રમાણે ૧૯૦ કરોડમાં થયો હતો.
મુંબઈમાં વર્લીમાં નમન ઝાની માલિકીના બે સી ફેઝ ડુપ્લેક્સને લીના ગાંધી તિવારીએ ૬૩૯ કરોડમાં ખરીદ્યા હતા. જયારે જે.પી. ટાપરિયાએ ₹369 કરોડમાં મલબાર હિલમાં 27,160 ચોરસ ફૂટના ટ્રિપલેક્સની ખરીદી કરી હતી.મુંબઈમાં ₹180 થી ₹200 કરોડની રેન્જમાં ઘણા સોદા થયા છે.
