સોના-ચાંદીના ભાવ ધડામ: 3 દિવસમાં ચાંદી 11,000 સસ્તી, MCX ખુલતા જ સોનામાં પણ મોટો ઘટાડો
બુધવારે MCX પર ટ્રેડિંગ શરૂ થતાં જ સોના અને ચાંદીના ભાવમાં મોટો ઘટાડો જોવા મળ્યો છે. ચાંદીના 3 જુલાઈ વાયદાના ભાવ ખુલતા જ 3,824 તૂટીને 2,22,010 પ્રતિ કિલો પર આવી ગયા, જ્યારે 24 કેરેટ સોનાનો 10 ગ્રામનો ભાવ 1,44,223 પર ટ્રેડ થઈ રહ્યો છે. આ અઠવાડિયે તો ચાંદીએ સૌથી વધુ ઝટકો આપ્યો છે – ગયા શુક્રવારે 2,33,185 રહેલો ભાવ માત્ર 3 ટ્રેડિંગ દિવસમાં 11,175 ઘટીને 2,22,010 થઈ ગયો છે. એ જ રીતે સોનામાં પણ ગયા સપ્તાહના 1,47,203 સામે હવે 2,980નો ઘટાડો નોંધાયો છે. નિષ્ણાતોના મતે ડોલરની મજબૂતાઈ અને વૈશ્વિક બજારના તણાવને કારણે આંતરાષ્ટ્રીય બજારમાં પ્રેશર છે, જેની સીધી અસર ભારતીય સ્થાનિક બજારમાં પણ દેખાઈ રહી છે. પરિણામે સોના-ચાંદી બંને તેમના ઓલ ટાઈમ હાઈથી ઘણી નીચે આવી ગયા છે અને રોકાણકારો તેમજ ખરીદદારો માટે આ ઘટાડો રાહત આપનારો બની શકે છે.
