હાય રે કળિયુગ…નવસારીમાં સાવકા પિતાએ બે સગીર પુત્રી પર દુષ્કર્મ ગુજારી બનાવી ગર્ભવતી, પોલીસે નરાધમની કરી ધરપકડ

નીચતાની કે નરાધમપણાની હદ વટાવતો કિસ્સો નવસારી જિલ્લાના ચીખલી તાલુકાના એક ગામમાં બન્યો છે. હવસ ભૂખ્યા વરુ જેવા સાવકા પિતાએ સગીર વયની બે બે આંગળિયાત પુત્રી પર દુષ્કર્મ ગુજારી બન્નેને સગર્ભા બનાવી હોવાનો બનાવ નવસારી પોલીસ મથકમાં નોંધાયો છે. પોલીસે પિતાના રૂપમાં રહેલા પાપીની ધરપકડ કરી કડક હાથે કામ લઇ હવસનું ભૂત ઉતાર્યું છે. રક્ષક જેવો પિતા જ ભક્ષક બનતા સમગ્ર પંથકમાં ભારે રોષ જોવા મળી રહ્યો છે.

છ વર્ષથી પતિથી અલગ થઇ ચાર બાળકો સાથે અન્ય પુરુષ સાથે બીજું ઘર કરનાર લીવ ઈનમાં રહેતી મહિલાની 12 વર્ષીય નાની બાળકીને પેટમાં દુખતું હોવાથી નજીકના સરકારી આરોગ્ય કેન્દ્રમાં બતાવવા જતા બાળકી સગર્ભા હોવાનો તબીબે પ્રાથમિક રીપોર્ટ આપ્યો હતો વૈજ્ઞાનિક ઢબે અન્યત્ર પરીક્ષણ કરાવતા પાચ માસનો ગર્ભ હોવાના રીપોર્ટથી મહિલા ચકિત બની ગઈ હતી. મોટી પુત્રીનું પણ મેડીકલ ચેકઅપ કરાવતા તે પણ બે માસે ગર્ભવતી નીકળતા બે બે સગીર પુત્રી ગર્ભવતી તથા મહિલાના પગ નીચેથીધરતી સરકી ગઈ હતી.

આ પણ વાંચો:ડિરેક્ટરે મને ખોટી રીતે સ્પર્શ કર્યો…વાયરલ ગર્લ મોનાલિસાએ સનોજ મિશ્રા પર લગાવ્યા ગંભીર આક્ષેપ, કહ્યું-ફિલ્મ માટે મારી સાથે રેપ કરાવશો?

બાળકીની પુછપરછ કરતા બાળકીએ તેના જ સાવકા બાપ {માતાના બીજા પતિ}એ બન્નેને જંગલમાં લાકડા લેવાના બહાને લઇ જઈ તેમજ રાત્રે બધા સુઈ ગયા હોય ત્યારે દુષ્કર્મ ગુજારતો હતો.બન્નેને ધમકી આપતો કે જો કોઈને કહેશો તો બન્નેને અને તારી માને જમવા પણ નહિ આપું મારી નાખીશ. ધમકાવીને રાક્ષસી કૃત્ય આચરતો રહેતો હતો.

સગીરાઓની માતાની ફરિયાદના આધારે પોલીસે આરોપી વિરુદ્ધ પોક્સો સહિતની કલમો હેઠળ ગુન્હો નોંધી આરોપીની ધરપકડ કરીને કાયદાનું ભાન કરાવ્યું છે. આરોપીને કડક સજા પડે તે માટે પુરાવાઓ એકઠા કરવા કવાયત કરી છે