બોક્સ ઓફિસ પર ‘ધુરંધર 2’નું વાવાઝોડું : પહેલા જ દિવસે આટલા કરોડની કમાણી સાથે તોડ્યા આ 10 મોટા રેકોર્ડ!
ભારતીય સિનેમાના ઈતિહાસમાં જ્યારે પણ સૌથી મોટી ફિલ્મોની વાત થશે, ત્યારે ‘ધુરંધર 2’નું નામ હમેશા ચર્ચામાં રહેશે. કારણ કે દિગ્દર્શક આદિત્ય ધર અને અભિનેતા રણવીર સિંહની જોડીએ બોક્સ ઓફિસ પર એવો ધમાકો કર્યો છે કે જૂના તમામ રેકોર્ડ પત્તાના મહેલની જેમ ધરાશાયી થઈ ગયા છે. માત્ર એક જ દિવસમાં રૂ.236 કરોડથી વધુનું વર્લ્ડવાઈડ કલેક્શન કરીને આ ફિલ્મે સાબિત કરી દીધું છે કે તે માત્ર ફિલ્મ નથી, પણ એક ‘સુનામી’ છે.
અમિતાભ બચ્ચન શૈલીમાં કહીએ તો : ‘અદ્ભૂત, અવિશ્વસનીય, અકલ્પનીય
આદિત્ય ધરે જ્યારે ‘ધુરંધર’ની સિક્વલ જાહેર કરી હતી, ત્યારે લોકોને અંદાજો હતો કે કંઈક મોટું તો થશે, પરંતુ આ તો કલ્પના બહારનું સાબિત થયું. રણવીર સિંહના ‘જસકીરત સિંહ’ (હમઝા અલી મજારી)ના પાત્રને જોવા માટે દર્શકોમાં એવો ક્રેઝ જોવા મળ્યો કે થિયેટરો હાઉસફુલ થઈ ગયા છે.
‘ધુરંધર 2’ એ પહેલા જ દિવસે તોડ્યા આ 10 મોટા રેકોર્ડ
વર્લ્ડવાઈડ બિગેસ્ટ ઓપનિંગ : 236 કરોડ સાથે પુષ્પા-2 ( 294 કરોડ) પછી ભારતની બીજી સૌથી મોટી ઓપનિંગ મેળવનાર ફિલ્મ બની હતી જેણે RRR અને બાહુબલી 2 ને પણ પાછળ છોડી દીધી હતી.
હિન્દી સિનેમામાં ઈતિહાસ : ભારતમાં 99 કરોડની કમાણી સાથે સૌથી મોટી હિન્દી ઓપનિંગનો રેકોર્ડ પોતાના નામે કર્યો છે.
બોલિવૂડનો નવો બેન્ચમાર્ક : 102.55 કરોડ (ભારત કુલ) સાથે જવાન અને એનિમલ જેવી ફિલ્મોના રેકોર્ડ તોડ્યા છે.
ઓવરસીઝમાં દબદબો : વિદેશી માર્કેટમાં $5.2 મિલિયનની કમાણી સાથે પઠાણ અને ટાઈગર 3ને પછાડી દીધી છે.
અમેરિકામાં રાજ : USAમાં $5.2 મિલિયન સાથે બોલિવૂડની અત્યાર સુધીની સૌથી મોટી ઓપનિંગ
ઓસ્ટ્રેલિયામાં ડંકો : ઓસ્ટ્રેલિયન ડોલર $725,000 ની કમાણી સાથે નવો કીર્તિમાન સ્થાપિત કર્યો
સૌથી ઝડપી ટ્રેન્ડીંગ : હિન્દી સિનેમામાં માત્ર 1 જ દિવસમાં 100 કરોડનો આંકડો પાર કરનાર પ્રથમ ફિલ્મ બની છે.
એક દિવસમાં સૌથી વધુ કમાણી : હિન્દી વર્ઝનમાં એક જ દિવસમાં 99 કરોડ કમાઈને નવો રેકોર્ડ બનાવ્યો છે.
ગુરુવારનો બાદશાહ : અત્યાર સુધી કોઈ પણ ફિલ્મે ગુરુવારે આટલી મોટી કમાણી કરી નથી.
ટિકિટ બુકિંગનો પાવર : બુકમાયશો (BookMyShow) પર એક કલાકમાં 1.09 લાખ ટિકિટ વેચાઈ હતી જે એક રેકોર્ડ સમાન છે.
કેમ જોવા મળી રહી છે આટલી ભીડ ??
સાડા ત્રણ કલાકની ફિલ્મમાં આદિત્ય ધરે સ્ટોરીને એવી રીતે વર્ણવી છે કે લોકો એક સેકન્ડ માટે પણ સ્ક્રીન પરથી પોતાની નજર હટાવી શકતા નથી. ‘ધુરંધર 1’ જ્યાં પૂરી થઈ હતી ત્યાંથી જસકીરત સિંહની સફર જોવા માટે લોકોમાં જે ઉત્સુકતા હતી. આ તો માત્ર શરૂઆત છે. હાલ પરના ટ્રેડ પરથી એવું લાગી રહ્યું છે કેવીકેન્ડ પૂરો થતા સુધીમાં ‘ધુરંધર 2’ એવા રેકોર્ડ સર્જશે જે ક્યારે કોઈ ફિલ્મએ હજુ સુધી ન બન્વાયો હોય…..
