23 વર્ષ બાદ પહેલીવાર ટીમ ઈન્ડિયા ROKO વગર ઉતરી: વાનખેડે સ્ટેડિયમમાં પૂર્વ કેપ્ટન MS ધોની અને રોહિત શર્મા મેચ જોવા પહોંચ્યા
ટી-20 વર્લ્ડકપ-2026માં ભારત-ઈંગ્લેન્ડ વચ્ચે મુંબઈના વાનખેડે સ્ટેડિયમ ઉપર બીજો સેમિફાઈનલ મુકાબલો રમાયો હતો. આ મેચ ભારતીય ક્રિકેટ માટે ઐતિહાસિક પણ રહ્યો હતો કેમ કે પાછલા 23 વર્ષમાં જે દૃશ્ય જોવા ન્હોતું મળ્યું તે આ મેચમાં જોવા મળ્યું હતું.
ભારતીય ક્રિકેટ ટીમ 23 વર્ષ બાદ પહેલીવાર આઈસીસી ટૂર્નામેન્ટના નોકઆઉટ મુકાબલામાં રોહિત શર્મા અને વિરાટ કોહલી વગર રમી હતી. છેલ્લે આવું 2003ના વર્લ્ડકપમાં જોવા મળ્યું હતું. 2003નો વર્લ્ડકપ ફાઈનલ ભારતે ઑસ્ટે્રલિયા વિરુદ્ધ સૌરવ ગાંગૂલીની આગેવાનીમાં રમ્યો હતો. આ મેચમાં સચિન તેંડુલકર, રાહુલ દ્રવિડ જેવા દિગ્ગજ ખેલાડીઓ મેદાન ઉપર હતા પરંતુ વિરાટ અને રોહિત ત્યારે ટીમમાં પસંદગી પણ પામ્યા ન્હોતા.
Dhoni's Aura 😱 Rohit Sharma was watching the match in the stands with Jay Shah when he received news that his captain, Mahendra Singh Dhoni, had arrived at the stadium. Upon hearing this, Rohit immediately got up and went to meet Dhoni. As long as Dhoni was there, Rohit remained… pic.twitter.com/fqPmZZMd71
— Cricket Central (@CricketCentrl) March 6, 2026
આ પછી 23 વર્ષ સુધી ભારતે દરેક આઈસીસી નોકઆઉટ મેચમાં આ બન્નેમાંથી કમ સે કમ એકને પોતાની પ્લેઈંગ ઈલેવનમાં સામેલ કર્યા જ હતા. બન્નેએ મળીને ભારતને અનેક મોટા મુકાબલામાં જીત અપાવી હતી. મોટા સ્કોર ચેઈઝ કર્યા અને દબાણમાં શાનદાર પ્રદર્શન કર્યું હતું. વર્ષ 2024માં ટી-20 ફોર્મેટમાંથી આ બન્ને નિવૃત્ત થઈ જતાં ટીમ ઈન્ડિયા નવી પેઢી સાથે આગળ વધી રહી છે. સૂર્યકુમાર યાદવની આગવેનીમાં અભિષેક, ઈશાન સહિતના ખેલાડીઓ મોરચો સંભાળી રહ્યા છે.
આ પણ વાંચો :ભારત ચોથી વખત T20 વર્લ્ડ કપના ફાઇનલમાં: વાનખેડેમાં ઇંગ્લેન્ડને 7 રને હરાવ્યું, રવિવારે ન્યુઝીલેન્ડ સામે અમદાવાદમાં ફાઇનલ મુકાબલો
રોહિત શર્મા અને એમએસ ધોનીની એક ફ્રેમમાં કેદ
ટી20 વર્લ્ડ કપની બીજી સેમિફાઇનલ જોવા માટે એમએસ ધોની તેની પત્ની સાક્ષી સાથે સ્ટેન્ડમાં પહોંચ્યો હતો. ધોની સ્ટેન્ડમાં ખેલાડીઓનો ઉત્સાહ વધારતો જોવા મળ્યો હતો. આ દરમિયાન રોહિત શર્મા પણ પહોંચ્યો હતો, જ્યાં ધોની સાક્ષી સાથે હાજર હતો. રોહિત અને ધોનીએ એકબીજાને ગળે લગાવ્યા હતા.
રોહિત અને ધોનીએ ખેલાડીઓને ઉત્સાહિત કર્યા, લાંબી વાતચીત કરી
રોહિત શર્મા અને એમએસ ધોની સ્ટેન્ડમાં ઉભા રહ્યા અને લાંબા સમય સુધી વાતો કરી. તેઓ કોઈ ગંભીર વિષય પર ચર્ચા કરતા હોય તેવું લાગતું હતું. જોકે, જ્યારે પણ ભારતીય બેટ્સમેન સારો શોટ મારતા હતા, ત્યારે બંને ખેલાડીઓ ઉજવણી કરતા જોવા મળતા હતા. મેચ દરમિયાન, કેમેરામેન વારંવાર બંને ખેલાડીઓને ફોન કરતા હતા.
