શેરબજારમાં રોકાણના નામે રાજકોટના સ્ટીલના ધંધાર્થીએ 87.20 લાખ ગુમાવ્યા: કટકે કટકે પૈસા પડાવ્યા, આ રીતે ફૂટ્યો ભાંડો
રાજકોટના મવડી રોડ પર સર્વોદય સ્કૂલની સામે રહેતા અને રાધેક્રિષ્ના સ્ટીલ તેમજ ઋષિકેશ સ્ટીલ નામે વેપાર કરતાં 30 વર્ષીય ધંધાર્થી સાથે શેરબજારમાં રોકાણના નામે 87.20 લાખની છેતરપિંડી થતાં સાયબર ક્રાઈમ પોલીસ મથકમાં ગુનો નોંધાયો હતો.
આ અંગે ડેનીશ નારણભાઈ ડોબરિયા (ઉ.વ.30)એ નોંધાવેલી ફરિયાદમાં જણાવ્યું કે ગત 5-11-2025ના તેને 13 સ્ટોક શેરિંગ' નામના વૉટસએપ ગ્રુપમાં એડ કરવામાં આવ્યો હતો. આ ગ્રુપના એડમિન તરીકે રાહુલકુમાર શર્માનું નામજોવા મળી રહ્યું હતું. આ પછી રાહુલ શર્માએ ડેનિશનો સંપર્ક કરી તે પોતે મુંબઈ રહેતો હોવાનું અનેફ્રેન્કલીન ટેમ્પલેશન’માં 15 વર્ષથી નોકરી કરતો હોવાનું જણાવ્યું હતું. તેણે ડેનિશને શેર બજારમાં રોકાણ કરાવી ઉંચું વળતર મળશે તે હેતુની વાત કરી સૌથી પહેલાં 9.80 લાખ રૂપિયા જમા કરાવ્યા હતા. ત્યારબાદ અન્ય ગ્રુપમાં એડ કરી 19.55 લાખ રૂપિયા જમા કરાવ્યા હતા. આ પૈસાથી ખરીદાયેલા શેરનો નફો એપ્લીકેશન ઉપર 1.53 કરોડ રૂપિયા જોવા મળ્યો હતો.
આ પછી ડેનિશે નફાની રકમ ઉપાડવાનો પ્રયાસ કરતાં વધુ પૈસાની માંગ કરાઈ હતી જેના કારણે તેણે વધુ 57 લાખ રૂપિયા જમા કરાવ્યા હતા. આ પ્રકારે 87 લાખ રૂપિયા કરાવ્યા બાદ નફાની રકમ ઉપાડવાનો પ્રયાસ કરવામાં આવતાં વધુ 89 લાખ રૂપિયા ભરવાનું કહેવામાં આવતાં જ ડેનિશ છેતરાયો હોવાનું ભાન થતાં તેણે તાત્કાલિક 1930 ઉપર ફોન કરી પોતાની ફરિયાદ નોંધાવી હતી.
ગઠિયાએ કહ્યું, અમારો ધ્યેય ભારતીય રોકાણકારોને કમાણી કરાવવાનો છે !
રાહુલ કુમાર શર્મા નામ ધરાવતાં શખસે ડેનિશને વૉટસએપ મેસેજ મારફતે એમ પણ જણાવ્યું હતું કે તે 15 વર્ષથી શેરબજાર સાથે સંકળાયેલો છે અને તેનો હેતુ ભારતીય રોકાણકારોને સેવા આપી સ્ટોક બુક પ્રકાશિત કરવાનું અને લોકપ્રિયતા વધારવાનું છે. તે ક્યુઆઈબી ટે્રડિસ મારફતે જથ્થાબંધ શેર લે-વેચ કરે છે અને અમેરિકામાં વેલ્થ અલાયન્સ નામથી ગ્રુપ ચલાવે છે. વર્ષ દરમિયાન 500% નફો આપવાની વાત પણ કરી હતી. જો કે આ માટે તમામ માહિતી ગુપ્ત રાખવાની અને ઈમાનદારી રાખવાની ડંફાસ પણ હાંકતાં ડેનિશ અભિભૂત થઈ ગયો હતો.
