વર્લ્ડકપમાં જ્યાં સુધી મેચનું પરિણામ ન આવે ત્યાં સુધી ‘સુપર ઓવર’ ફેંકાશે: બોલિંગ ટીમે 60 સેકન્ડમાં ઓવર શરૂ કરવી પડશે
ટી-20 વર્લ્ડકપમાં દરેક મેચનું પરિણામ આવશે જ. મેચ ટાઈ થાય તો સુપર ઓવર દ્વારા વિજેતાનો નિર્ણય લેવામાં આવશે. આઈસીસીના જણાવ્યા પ્રમાણે આ ફોર્મેટ માત્ર મોટા મેચમાં જ રોમાંચ વધારશે એવું નથી પરંતુ નાની ટીમને પણ સાબિત કરવાની તક આપશે એટલા માટે જ જ્યાં સુધી મેચનું પરિણામ ન આવે ત્યાં સુધી સુપર ઓવર ફેંકાશે.
આ ઉપરાંત એક મેચ માટે કુલ સમય 3 કલાક 10 મિનિટનો રહેશે. એક ઈનિંગ એક કલાક 25 મિનિટમાં પૂર્ણ થશે અને ઈનિંગ પૂર્ણ થયા બાદ 20 મિનિટનો બ્રેક રહેશે. બોલિંગ ટીમને દરેક ઓવર 60 સેક્નડની અંદર જ શરૂ કરવી પડશે. વર્લ્ડકપમાં પણ દરેક ટીમને બે રિવ્યુ અપાશે.
આ પણ વાંચો :ગીરના સાવજોની સુરક્ષાને વધુ મજબૂત બનાવવા AI આધારિત સિસ્ટમ લાગુ કરાશે: સિંહોની સુરક્ષા માટે વધુ 5 અન્ડરપાસનું બાંધકામ શરૂ
ગ્રુપ સ્ટેજમાં ડકવર્થ લુઈસના નિયમથી પરિણામ લાવવા માટે બન્ને ઈનિંગની ઓછામાં ઓછી પાંચ ઓવરની રમત જરૂરી રહેશે. સેમિફાઈનલ અને ફાઈનલમાં ડકવર્થ લુઈસ નિયમથી પરિણામ લાવવા માટે બન્નેઈનિંગની ઓછામાં ઓછી 10 ઓવર રમાવી ફરજિયાત રહેશે. આઈસીસીએ હજુ સુધી રિઝર્વ-ડે અને નોકઆઉટ મેચના વધારાના સમયને લઈને કોઈ અંતિમ જાહેરાત કરી નથી.
